शरद पवार यांच्या निवृत्तीच्या घोषणेनंतर राहुल गांधींचा थेट सुप्रिया सुळेंना फोन

राष्ट्रवादी काँग्रेसचे अध्यक्ष शरद पवार यांनी निवृत्तीची घोषणा केली आहे. यामुळे अनेक नेते, कार्यकर्ते भावूक झाले आहेत. तर, शरद पवारांनी निर्णय घेताना विश्वासात न घेतल्याने राष्ट्रवादीच्या काही नेत्यांमध्ये नाराजीच्या चर्चा आहेत.

परंतु, हा निर्णय राष्ट्रवादीच्या कार्यकर्त्यांना मान्य नाही. यामुळे अनेक कार्यकर्ते भावूक झाले असून शरद पवारांना घोषणा मागे घेण्याचे मागणी करत आहेत. राष्ट्रवादी काँग्रेसचा नवा अध्यक्ष कोण असणार याकडे सर्वांचे लक्ष लागले आहे. सुप्रिया सुळे यांच्या नावाची जोरदार चर्चा रंगली आहे.

याच पार्श्वभूमीवर आता काँग्रेस नेते राहुल गांधी यांचा थेट फोन खासदार सुप्रिया सुळे यांना आला. तसेच तामिळनाडूचे मुख्यमंत्री एमके स्टॅलिन यांनीही सुप्रिया सुळे यांना फोन केला आहे.