Satara Female Doctor case : फलटणमधील महिला डॉक्टर प्रकरण; आज राज्यभरातील निवासी डॉक्टर संपावर

थोडक्यात

• फलटणमधील महिला डॉक्टर प्रकरण

• आज राज्यभरातील निवासी डॉक्टर संपावर

• डॉक्टर महिलेचा तपास योग्य दिशेने व्हावा यासाठी निवासी डॉक्टरांनी संप पुकारला

(Satara Doctor case) सातारा जिल्ह्यातील फलटण उपजिल्हा रुग्णालयात कार्यरत असलेल्या महिला डॉक्टरच्या आत्महत्येच्या प्रकरणाने राज्यभरात खळबळ उडवली आहे. या घटनेत धक्कादायक बाब समोर आली असून, डॉक्टरने आत्महत्येपूर्वी आपल्या हातावरच मृत्यूस कारणीभूत असलेल्या दोन व्यक्तींची नावे लिहिली.

मृत डॉक्टरने आत्महत्येपूर्वी आपल्या हातावर सुसाईड नोट लिहिली होती, त्यात तिने धक्कादायक आरोप केले आहेत. त्या नोटमध्ये डॉक्टरने लिहिले आहे की, "PSI गोपाल बदने यांनी तिच्यावर पाच महिन्यांपासून वारंवार अत्याचार आणि लैंगिक शोषण केले, तसेच पोलीस अधिकारी प्रशांत बनकर यांनी तिला मानसिक छळ केला". त्या महिला डॉक्टरने या दोघांवर लैंगिक अत्याचार आणि मानसिक छळाचे गंभीर आरोप केले आहेत. याप्रकरणी दोन्ही आरोपींना आता 14 दिवसांची न्यायालयीन कोठडी सुनावण्यात आली आहे.

याच पार्श्वभूमीवर आज राज्यभरातील निवासी डॉक्टर संपावर जाणार आहेत. फलटणमध्ये मृत्यू झालेल्या डॉक्टर महिलेचा तपास योग्य दिशेने व्हावा यासाठी निवासी डॉक्टरांनी हा संप पुकारला आहे. काल संपाचा पहिला दिवस होता ज्यामध्ये ओपीडी बंद करण्यात आले होते. आज ओटी म्हणजेच ऑपरेशन थिएटरमध्ये देखील निवासी डॉक्टर काम करणार नाहीत. यामुळे रुग्णांचे हाल होण्याची शक्यता आहे.