Schools In Maharashtra Will Be close On 5th December: राज्यभर शाळा ५ डिसेंबरला बंद; कारण काय जाणून घ्या...
(Schools In Maharashtra Will Be close On 5th December: ) महाराष्ट्रातील शाळा 5 डिसेंबरला बंद होण्याची दाट शक्यता आहे. शिक्षक संघटनांनी राज्यव्यापी शाळा बंद आंदोलनाचे आयोजन केले आहे. यामागे प्रमुख कारणे शिक्षक पात्रता परीक्षा (TET) सक्ती, शालेय स्टाफिंग मान्यता आणि इतर मागण्यांचा समावेश आहे. हे आंदोलन शिक्षकांच्या हक्कांसाठी असून, यामध्ये प्राथमिक, माध्यमिक आणि उच्च माध्यमिक शाळांचा समावेश आहे.
शिक्षक संघटनांच्या मागण्या:
1. टीईटी सक्ती रद्द करणे- 20 वर्षांपूर्वीच्या शिक्षकांना टीईटी परीक्षा अनिवार्य न करता त्यांचा विशेष विचार केला जावा.
2. 15 ऑक्टोबर 2024 चा स्टाफिंग मान्यता जीआर रद्द करणे - शाळांच्या स्टाफिंगला नुकसान पोहोचवणारा शासन निर्णय रद्द करावा.
3. जुनी पेन्शन योजना लागू करणे- नवीन पेन्शन योजनेऐवजी जुनी पेन्शन योजना लागू करावी.
4. इतर प्रलंबित मागण्या - शिक्षकांच्या वेतन, अनुदान आणि आधार सेन्सस बाबत समस्या सुटवाव्यात.
शाळेवर होणारा परिणाम:
शिक्षण धोरणातील बदलामुळे 20,000 ते 25,000 शिक्षक अतिरिक्त ठरण्याची शक्यता आहे. विशेषतः ग्रामीण आणि आदिवासी भागातील शाळांना याचा मोठा फटका बसणार आहे. अंदाजे 18,000 गावतांडा शाळा आणि 25-30 रात्रशाळा बंद पडण्याची शक्यता आहे.
आंदोलनाची रूपरेषा:
शाळा बंद: 5 डिसेंबरला राज्यभरातील सर्व शाळा बंद राहतील.
मोर्चे जिल्हाधिकारी कार्यालयांवर मोर्चे काढले जातील. अमरावती, पुणे, कोल्हापूर आणि इतर जिल्ह्यांमध्ये मोर्चे होणार आहेत.
संघटनांचा सहभाग शिक्षक व शिक्षकेत्तर कर्मचारी संघटनांच्या 100 हून अधिक संघटनांचा या आंदोलनात सहभाग आहे. हे आंदोलन शिक्षकांच्या विविध मागण्यांसाठी आहे, ज्यामुळे 5 डिसेंबरला शाळा बंद राहण्याची दाट शक्यता आहे.
थोडक्यात
महाराष्ट्रातील शाळा 5 डिसेंबरला बंद होण्याची दाट शक्यता आहे. शिक्षक संघटनांनी राज्यव्यापी शाळा बंद आंदोलनाचे आयोजन केले आहे.
यामागे प्रमुख कारणे शिक्षक पात्रता परीक्षा (TET) सक्ती, शालेय स्टाफिंग मान्यता आणि इतर मागण्यांचा समावेश आहे.
हे आंदोलन शिक्षकांच्या हक्कांसाठी असून, यामध्ये प्राथमिक, माध्यमिक आणि उच्च माध्यमिक शाळांचा समावेश आहे.
