Shivshahi Bus AccidentTeam Lokshahi
चंद्रशेखर भांगे | पुणे: मध्यरात्री पुण्यामध्ये एस. टी. महामंडळाच्या शिवशाही या बसचा अपघात झाला आहे. शिवशाही बस आणि कंटेनरचा भीषण अपघात झाला असून या अपघातात एकाचा जागीच मृत्यू झाला असून मृत व्यक्ती हा कंटेनरचा चालक असल्याची माहिती आहे. तर 6 प्रवासी गंभीर जखमी आहेत.
पुण्याजवळील देवाच्या उरळीत शिवशाही बस आणि कंटेनरचा हा भीषण अपघात झाला आहे. उरळी फाट्या येथे असलेल्या एका गोडाऊन अचानक रस्त्यावर आलेल्या कंटेनरला धडक दिल्याने शिवशाही बस मधील सहा प्रवासी गंभीर जखमी झाले आहेत. तर कंटेनर चालकाचा जागीच मृत्यू झाला असल्याचं समजतं आहे.
