Solapur News : एसटी कंडक्टरने चिमुरड्याला हायवेवर उतरवलं, “पैसे देतील पप्पा”! सोलापूरची संतापजनक घटना
सोलापूर जिल्ह्यातील मंगळवेढा मार्गावरील एसटी बसमध्ये एक हादरवणारी घटना घडली आहे. शाळेचा पास घरी राहिल्यामुळे सातवीत शिकणाऱ्या एका मुलाला थेट महामार्गावर उतरवण्यात आल्याचा आरोप होत आहे. मुलाने वारंवार “वडिलांना फोन करा, पैसे देतील” अशी विनंती केली होती, तरीही वाहकाने ऐकून न घेतल्याचे सांगितले जात आहे.
ब्रह्मपुरी येथील प्रथमेश पाटील हा रोजप्रमाणे बसने घरी जात असताना हा प्रकार घडला. संध्याकाळच्या वेळी, वेगाने धावणाऱ्या वाहनांमध्ये मुलाला रस्त्यावर सोडल्यामुळे तो घाबरून गेला. अखेर एका दुचाकीस्वाराच्या मदतीने तो घरी पोहोचला.
घडलेला प्रकार ऐकून कुटुंबीय आणि ग्रामस्थ संतप्त झाले आहेत. “चूक झाली असेल, पण त्याची शिक्षा इतकी अमानुष कशी?” असा सवाल उपस्थित केला जात आहे. संबंधित वाहकावर कठोर कारवाई करावी, अशी मागणी पालकांनी वरिष्ठ अधिकाऱ्यांकडे केली आहे. एका पाससाठी लहान मुलाचा जीव धोक्यात घालणाऱ्या या घटनेने एसटी व्यवस्थेतील माणुसकीवरच प्रश्नचिन्ह उभे केले आहे.
थोडक्यात
सोलापूर जिल्ह्यातील मंगळवेढा मार्गावरील एसटी बसमध्ये एक हादरवणारी घटना घडली आहे.
शाळेचा पास घरी राहिल्यामुळे सातवीत शिकणाऱ्या एका मुलाला थेट महामार्गावर उतरवण्यात आल्याचा आरोप होत आहे.
मुलाने वारंवार “वडिलांना फोन करा, पैसे देतील” अशी विनंती केली होती, तरीही वाहकाने ऐकून न घेतल्याचे सांगितले जात आहे.
