Coldriff Cough Syrup Case : 22 बालकांचा मृत्यू, Sresan Pharma वर ED चे छापे

Coldriff Cough Syrup Case : कोल्ड्रिफ कफ सिरपमुळे झालेल्या २२ बालकांच्या मृत्यूप्रकरणी गंभीर कारवाई करत सक्तवसुली संचालनालय (ED) ने सोमवारी चेन्नईमधील सात ठिकाणी छापे टाकले. ही छापेमारी Sresan Pharmaceuticals या कंपनीशी संबंधित असून, कंपनीचे मुख्यालय कांचीपुरम येथे आहे. ही कारवाई मनी लॉन्डरिंग प्रतिबंधक कायदा (PMLA) अंतर्गत सुरू असून, राज्यातील अन्न व औषध प्रशासन (TNFDA)च्या वरिष्ठ अधिकाऱ्यांच्या निवासस्थानीही छापे टाकण्यात आले आहेत.

मृत्यूमुखी पडलेले बालक

या सिरपमुळे मध्य प्रदेशातील छिंदवाडा जिल्ह्यातील सर्वाधिक बालकांचा मृत्यू झाला असून, काही प्रकरणे राजस्थानमधूनही समोर आली आहेत. बहुतेक मृत बालकांची वय ५ वर्षांखालील होती.

कंपनीचा मालक अटकेत

Sresan Pharma चा मालक जी. रंगनाथन याला ९ ऑक्टोबर रोजी मध्य प्रदेश पोलिसांनी अटक केली. कंपनीला २०११ मध्ये परवाना मिळाला होता, पण त्यानंतर ती १० वर्षांहून अधिक काळ नियंत्रक यंत्रणांच्या देखरेखीशिवाय सुरू होती.

नियामक संस्थांची गंभीर दुर्लक्ष

PTI ने दिलेल्या माहितीनुसार, CDSCO (केंद्रीय औषध मानक नियंत्रण संस्था) च्या तपासात हे समोर आले आहे की, TNFDA ने Sresan Pharma संदर्भात अनेक गंभीर त्रुटी केल्या. कंपनीने राष्ट्रीय ‘सुगम’ पोर्टलवर आपले उत्पादने नोंदवलेली नव्हती, जे कायद्यानुसार आवश्यक आहे. TNFDA ने कंपनीबाबत CDSCO ला कोणतीही माहिती दिली नव्हती, त्यामुळे कंपनी राष्ट्रीय डेटाबेसमध्येही नोंदलेली नव्हती. ऑक्टोबरच्या सुरुवातीला MP सरकारच्या विनंतीवरून TNFDA ने Sresan Pharma ची तपासणी केली, परंतु याची माहिती CDSCO ला दिली नाही.

विषारी रसायनाचे प्रमाण

CDSCO च्या तपासात Coldrif सिरपमध्ये ४८% डायथिलीन ग्लायकॉल आढळले, जे केवळ ०.१% प्रमाणातच परवानीत आहे. TNFDA ने हा अहवालही उशिरा प्रसिद्ध केला, ज्यामुळे राज्य व केंद्र यंत्रणांमध्ये समन्वयाचा अभाव दिसून आला.

पुढील कारवाई

CDSCO ने कंपनीचा परवाना रद्द करण्याची आणि फौजदारी कारवाई करण्याची शिफारस केली आहे. मात्र TNFDA कडून कोणतीही कारवाई करण्यात आलेली नव्हती. हे प्रकरण राज्य नियामक संस्थांच्या निष्क्रियतेचा व औषध निर्मिती क्षेत्रातील ढिसाळ नियंत्रणाचा गंभीर दाखला आहे.