पवारांवरील लिखाण भोवले, अभिनेत्री केतकी पोलिसांच्या ताब्यात

अभिनेत्री केतकी चितळे (Ketaki Chitale) ही नेहमीच सोशल मीडियावरील (social media)आपल्या वादग्रस्त पोस्टमुळे चर्चेत असते. अभिनेत्री यापुर्वीही अनेकदा वादग्रस्त विषयावर भाष्य करुन टीकेची धनी ठरली होती. आता पुन्हा एकदा शरद पवार यांना (sharad pawar)उद्देशून शेअर केलेल्या मजकूरवरुन कळवानंतर पुण्यात आणि गोरेगावमध्ये तिच्यावर गुन्हा दाखल झाला आहे. आता राज्याचे गृहमंत्री दिलीप वळसे पाटील (Dilip Walse Patil) यांनी कारवाई होणार असल्याचे सांगितले. त्यानंतर आता केतकीला ठाणे पोलिसांनी ताब्यात घेतले आहे.

राज ठाकरेंसह सर्वांनीच केतकी चितळे यांच्या लिखानासंदर्भात नाराजी व्यक्त करत तीव्र शब्दांत निषेध केला. राज ठाकरेंनी पत्रात लिहीलं की, कोणीतरी केतकी चितळे नामक आहेत. त्यांनी श्लोकासारखं काही तरी लिहून पोस्ट केलं. भावेंनी ते लिहील्याचं तिथे दिसतंय. हे जे काही लिहीलंय याला महाराष्ट्राच्या संस्कृतीमध्ये जागा नाही असं राज ठाकरे म्हणाले.

पुण्यात गुन्हा दाखल

मराठी अभिनेत्री केतकी चितळे नेहमी आपल्या वादग्रस्त वक्तव्यांमुळे चर्चेत असते. यंदा तिनं थेट राष्ट्रवादी काँग्रेसचे अध्यक्ष शरद पवार यांच्याबाबत फेसबुकवर अक्षेपार्ह पोस्ट केली आहे . या प्रकरणी केतकीविरोधात ठाण्यात आणि पुण्यात गुन्हा दाखल करण्यात आला आहे. दरम्यान केतकी चितळे हिचा बोलविता धनी राष्ट्रीय स्वयंसेवक संघ आहे अशी टीका राष्ट्रवादीच्या नेत्या विद्या चव्हाण यांनी केली आहे. केतकी चितळे च्या वक्तव्याला फारस महत्व देण्याची गरज नाही त्या सोबत तिच्यावर कडक कारवाई देखील केली पाहिजे अशी मागणी विद्या चव्हाण यांनी केली आहे.