Panvel Mayor : 'या' तारखेला ठरणार पनवेलचा महापौर, भाजप महायुतीची तयारी अंतिम टप्प्यात

पनवेल ग्रामीण महापालिकेच्या महापौरपदाचा निर्णय मंगळवारी (10 फेब्रुवारी) होणार आहे. यासाठी सकाळी 11 वाजता फडके नाट्यगृहात विशेष सभा घेण्यात येणार आहे. या सभेचे अध्यक्षस्थान ठाण्याचे जिल्हाधिकारी डॉ. श्रीकृष्णनाथ पांचाळ भूषवणार आहेत. महापौर व उपमहापौर निवडीसाठी 6 फेब्रुवारी रोजी सकाळी 11 ते दुपारी 3 या वेळेत उमेदवारी अर्ज स्वीकारले जाणार आहेत. कोणताही नगरसेवक महापौरपदासाठी अर्ज करू शकतो.

महापालिकेत भाजप महायुतीने स्पष्ट बहुमत मिळवले असून 59 नगरसेवक विजयी झाले आहेत. यामध्ये भाजपचे 55, शिवसेनेचे 2 आणि राष्ट्रवादीचे 2 नगरसेवक आहेत. भाजपकडून नितिन पाटील यांची गटनेतेपदी निवड करण्यात आली आहे.

नगरसचिव पद रिक्त असल्याने ही जबाबदारी नानासाहेब कामठे यांच्याकडे देण्यात आली आहे. प्रशासनाकडून सत्ताधाऱ्यांकडे पालिकेचा कारभार जाणार असल्याने पुढील काही दिवसांत भाजप महापौरपदासाठी नाव जाहीर करेल, अशी चर्चा आहे. ममता म्हात्रे आणि नितिन पाटील यांची नावे सध्या आघाडीवर मानली जात आहेत.

थोडक्यात

1. महापौरपदाचा निर्णय: मंगळवारी, 10 फेब्रुवारी रोजी होणार

2. विशेष सभा: सकाळी 11 वाजता आयोजित

3. स्थळ: फडके नाट्यगृह, पनवेल

4. सभेचे अध्यक्ष: ठाण्याचे जिल्हाधिकारी डॉ. श्रीकृष्णनाथ पांचाळ

5. उमेदवारी अर्ज स्वीकारण्याची तारीख: 6 फेब्रुवारी

6. वेळ: सकाळी 11 ते दुपारी 3 वाजेपर्यंत

7. निवड: महापौर व उपमहापौर पदासाठी निवड प्रक्रिया