Gauri Garje Case : डॉ. गौरी गर्जे प्रकरणात महत्त्वाची माहिती आली समोर
थोडक्यात बातमी वाचण्यासाठी खाली स्क्रोल करा...
मंत्री पंकजा मुंडेंचे पीए गरजे यांच्या पत्नीने गळफास घेऊन जीवन संपवलं. वरळीच्या बिडीडी चाळीतील हा धक्कादायक प्रकार समोर आला आहे. नुकतेच आठ ते नऊ महिन्यापूर्वी गरजे दांपत्याचा विवाह झाला होता. मात्र पती यांचे अफेअर चालू असल्याने हा प्रकार झाला असल्याचा दाट संशय व्यक्त करण्यात येत आहे. सध्या पोलिसांकडून या प्रकरणात तपास केला जात आहे. ही आत्महत्या नसून हत्या असल्याचा आरोप कुटुंबियांकडून केला आहे.
गौरीला आत्महेत्येपूर्वी किरणच्या आधीच्या पत्नीचे गर्भवती असल्याची कागदपत्र मिळाल्याने ती अस्वस्थ होती ती कागदपत्रे आम्हाला पाठवली होती असा गौरीच्या वडिलांनी जबाब दिला असून तिच्या वडिलांनी वरळी पोलीस ठाण्यात तक्रार दाखल केली. प्रकरणी तिघांवर गुन्हा दाखल करण्यात आला आहे. काल डॉ गौरी गर्जे यांच्या आत्महत्येप्रकरणी पती, नणंद आणि दीरावर गुन्हा दाखल करण्यात आला.
याच पार्श्वभूमीवर आता पंकजा मुंडेंचे पीए अनंत गर्जेला अटक करण्यात आल्याची माहिती मिळत आहे. पत्नी डॉ. गौरी गर्जेच्या मृत्यू प्रकरणात पोलिसांकडून ही कारवाई करण्यात आली आहे. काल रात्री 1 वाजता अनंत गर्जे स्वत:हून वरळी पोलीस स्टेशनला हजर झाला. याच पार्श्वभूमीवर आता या प्रकरणात एक महत्त्वाची माहिती समोर आली आहे.
आत्महत्येच्या काही मिनिटापूर्वीच गौरी आणि अनंत याचे भांडण झाले होते. यावेळी अनंत हे पंकजा मुंडे यांच्या कार्यक्रमा निमित्त घराबाहेर पडला. अनंत गर्जेची गाडी कोस्टल रोडला असताना गर्जे वारंवार गौरीला फोन करत होता. मात्र गौरी फोन उचलला नसल्याने याच संशयातून अनंत याने गाडी पुन्हा घराकडे वळवली. घराबाहेरून आवाज देऊनही गौरी दार उघडत नसल्याने आतून कुठलीही प्रतिक्रिया मिळत नसल्याने अनंत याने खिडकीतून डोकावले असता, पत्नीने गळफास घेतल्याचे पाहिले. अनंत गर्जेच्या चौकशीत ही माहिती समोर आल्याचे मिळालेल्या माहितीनुसार समजते.
Summery
आत्महत्येच्या काही मिनिटापूर्वीच गौरी आणि अनंत याचे भांडण झाले होते
यावेळी अनंत हे पंकजा मुंडे यांच्या कार्यक्रमा निमित्त घराबाहेर पडले
अनंत गर्जेची गाडी कोस्टल रोडला असताना गर्जे वारंवार गौरी यांना फोन करत होता
