Today’s Top Breaking News: आज दिवसभरात घडलेल्या महत्त्वाच्या ५ घडामोडी, जाणून घ्या…
उद्योगपती गौतम अदानी आज शरद पवार यांच्या मुंबईतील सिल्व्हर ओक निवासस्थानी पोहोचले. अजित पवार यांच्या अपघाती निधनानंतर ही भेट सांत्वनासाठी असल्याचं सांगितलं जात आहे. शरद पवार आजच बारामतीहून मुंबईत आले होते आणि त्यानंतर लगेचच अदानी यांनी त्यांची भेट घेतली.
अडीच लाखांपेक्षा कमी उत्पन्न असलेल्या कुटुंबातील महिलांसाठी सुरू करण्यात आलेली लाडकी बहीण योजना सध्या चर्चेत आहे. या योजनेतून दरमहा 1500 रुपये थेट खात्यात जमा होतात, त्यामुळे अनेक महिलांना मोठा आधार मिळाला. निवडणुकीपूर्वी सत्ताधाऱ्यांनी हा निधी वाढवण्याचे आश्वासन दिले होते. मात्र सरकार स्थापन होऊन बराच काळ लोटला तरी रक्कम वाढलेली नाही. त्यामुळे 2100 रुपये कधी मिळणार, याची उत्सुकता वाढली आहे.
केंद्रीय अर्थमंत्री निर्मला सीतारमण आज देशाचा नवा अर्थसंकल्प मांडत आहेत. बहुतांश लोक कर आणि महागाईकडे लक्ष देतात, पण हा अर्थसंकल्प तुमच्या आरोग्यावरही मोठा परिणाम करतो, हे फार जणांच्या लक्षात येत नाही.
बॉलिवूडनगरी मुंबईत पुन्हा एकदा दहशतीची सावली पसरली आहे. जुहू परिसरातील शेट्टी टॉवर येथे राहणारे प्रसिद्ध दिग्दर्शक रोहित शेट्टी यांच्या घरावर शनिवारी मध्यरात्री अज्ञात व्यक्तीने थेट पाच राउंड गोळीबार केल्याची धक्कादायक घटना घडली. या घटनेनंतर अवघ्या काही तासांतच सोशल मीडियावर एक पोस्ट व्हायरल झाली आणि बॉलिवूडसह संपूर्ण महाराष्ट्र हादरून गेला.
अंडर-१९ वनडे वर्ल्डकपच्या सुपर सिक्स फेरीत भारत आणि पाकिस्तान यांच्यातील सामन्याने चाहत्यांमध्ये उत्साहाची लहर उसळली आहे. नाणेफेकीत कौल जिंकून पाकिस्तानने प्रथम गोलंदाजी स्वीकारली आणि भारताला ४९.५ षटकांत २५२ धावांवर रोखले. विजयासाठी २५३ धावांचे आव्हान मिळाल्यानंतर पाकिस्तानी फलंदाज मैदानावर उतरले आहेत, पण खेळपट्टी फलंदाजीला पूरक नसल्याने हा सामना करो या मरोची लढाई ठरला आहे. विजयी संघ उपांत्य फेरी गाठणार असल्याने दोन्ही संघ पूर्ण ताकदीने खेळत आहेत.
