Nagpur Mayor 2026 : विदर्भातील महापौरपदाच्या आरक्षणामुळे स्थानिक राजकारणात नवी चढाओढ

विदर्भातील सात महापालिकांमधील महापौरपदासाठी सुरू असलेल्या चर्चांना आज पूर्णविराम मिळाला आहे. महापालिका निवडणुकांचे निकाल जाहीर झाल्यानंतर महापौर कोण होणार, यावरून राजकीय वर्तुळात मोठी उत्सुकता होती. अखेर आज सकाळी 11 वाजता मंत्रालयात झालेल्या आरक्षण सोडतीत महापौरपदाचं आरक्षण जाहीर करण्यात आलं. या सोडतीनुसार अकोला आणि चंद्रपूर महापालिकेत महापौरपद ओबीसी महिलांसाठी आरक्षित करण्यात आलं आहे. त्यामुळे या दोन्ही शहरांमध्ये महिला आणि ओबीसी नेतृत्वाला संधी मिळणार आहे. अमरावती महापालिकेत महापौरपद खुल्या वर्गासाठी असून सर्व राजकीय पक्षांना संधी उपलब्ध झाली आहे.

दरम्यान, विदर्भाची राजधानी आणि मुख्यमंत्र्यांचा बालेकिल्ला मानल्या जाणाऱ्या नागपूर महापालिकेत ‘खुला वर्ग महिला’ हे आरक्षण जाहीर झाल्याने महिला महापौर निश्चित झाली आहे.

आरक्षण जाहीर होताच आता संबंधित महापालिकांमध्ये महापौरपदासाठी इच्छुक नगरसेवकांमध्ये हालचाली वाढण्याची शक्यता असून, पक्षांतर्गत राजकीय समीकरणांना वेग येणार आहे.

आरक्षणाचा संक्षेप:

• अकोला – ओबीसी महिला

• चंद्रपूर – ओबीसी महिला

• अमरावती – खुला वर्ग

• नागपूर – खुला वर्ग महिला

• महापौरपदाच्या आरक्षणामुळे विदर्भातील स्थानिक राजकारणात नवी चढाओढ पाहायला मिळणार आहे.

थोडक्यात

• विदर्भातील सात महापालिकांमधील महापौरपदाच्या चर्चांना आज पूर्णविराम
• महापालिका निवडणूक निकालांनंतर महापौर कोण होणार याबाबत मोठी उत्सुकता
• आज सकाळी ११ वाजता मंत्रालयात महापौरपदासाठी आरक्षण सोडत पार पडली
• सोडतीतून महापौरपदाचे आरक्षण अधिकृतपणे जाहीर
• अकोला महापालिकेत महापौरपद ओबीसी महिलांसाठी आरक्षित
• चंद्रपूर महापालिकेतही महापौरपद ओबीसी महिलांसाठी आरक्षित
• दोन्ही शहरांत महिला व ओबीसी नेतृत्वाला संधी