Iran Israel Ceasefire : अखेर इराण-इस्रायल संघर्ष थांबला ! ट्रम्प यांनी केली शस्त्रसंधीची घोषणा
इराण आणि इस्रायलमध्ये सुरू असलेले युद्ध थांबवण्यासाठी अमेरिकेचे राष्ट्राध्यक्ष डोनाल्ड ट्रम्प यांनी युद्धबंदीची घोषणा केली आहे. तथापि, या घोषणेबाबत इराण किंवा इस्रायलकडून अद्याप कोणतीही अधिकृत प्रतिक्रिया आलेली नाही. मिळालेल्या माहितीनुसार, दोन्ही देश या प्रस्तावित युद्धबंदीबाबत सकारात्मक भूमिका घेऊ शकतात. युद्धबंदीच्या पार्श्वभूमीवर काही राजनैतिक प्रयत्नही सुरू असल्याचे मानले जाते.
अमेरिकेने इराणच्या अणुस्थळांवर केलेल्या कथित हल्ल्याच्या एका दिवसानंतरच ही घोषणा करण्यात आली आहे, ज्यामुळे या प्रदेशात अचानक तणाव वाढला. या संघर्षात इस्रायलला अमेरिकेचाही पाठिंबा मिळाला. त्यानंतर अमेरिकेनेही या युद्धात उडी घेतली. अमेरिकन सैन्याने इराणच्या तीन अणु तळांवर हल्ला केला.
अमेरिकेच्या हल्ल्यानंतर, इराणने कतारमधील दोहा येथील अमेरिकेच्या लष्करी तळांवर क्षेपणास्त्रे डागून प्रत्युत्तर दिले. यामुळे तणाव वाढण्याची शक्यता वाढली. मात्र, आता अमेरिकेचे राष्ट्राध्यक्ष डोनाल्ड ट्रम्प यांनी एक मोठा दावा केला आहे की इस्रायल आणि इराणमध्ये युद्धबंदीबाबत करार झाला आहे. त्यांनी ट्रुथ सोशलवरील एका पोस्टमध्ये लिहिले आहे की, आजपासून सुमारे 6 तासांनंतर, जेव्हा इस्रायल आणि इराण त्यांचे अंतिम मोहिमा पूर्ण करतील, तेव्हा युद्ध संपेल.
ट्रम्प यांची सोशल मीडिया पोस्ट :
ट्रम्प यांनी सोशल मीडियावर लिहिले की, अधिकृतपणे, इराण युद्धबंदी सुरू करेल. यानंतर १२ तासांनी, इस्रायल युद्धबंदी करेल. २४ तासांनंतर, १२ दिवसांपासून सुरू असलेले युद्ध अधिकृतपणे संपेल, ज्याला संपूर्ण जग सलाम करेल.
