Mumbai Water Cut : मुंबईतील 11 वॉर्डमध्ये 30 तास पाणीपुरवठा बंद

(Mumbai Water Cut) मुंबईतील नागरिकांसाठी महत्त्वाची सूचना आहे. काही भागांमध्ये सोमवारी आणि मंगळवारी पाणीपुरवठा 30 तासांसाठी बंद राहील. मुंबई महापालिकेने पाइपलाइन क्रॉस-कनेक्शन काम सुरू केले आहे, ज्यामुळे शहरातील काही भागांमध्ये पाणी पुरवठा खंडित होईल. घाटकोपर येथील छेडानगर जंक्शन जवळ अमर महल भूमिगत बोगदा जोडण्याचे काम 1 डिसेंबरपासून सुरू होईल आणि 2 डिसेंबरपर्यंत चालेल.

कुठे होणार पाणीपुरवठा बंद?

या कामामुळे दक्षिण मुंबईतील ए, बी, सी, ई, एफ दक्षिण व वॉर्ड आणि पूर्व उपनगरातील एल, एम, एस व एन वॉर्डसह भायखळा, मुंबई सेंट्रल, डोंगरी, मस्जिद बंदर, सायन, वडाळा, कुर्ला, चेंबूर, घाटकोपर, विक्रोळी, आणि भांडुप या भागांमध्ये पाणी पुरवठा बंद राहील.

नागरिकांना सूचना

महापालिकेने नागरिकांना पाणी जपून वापरण्याची आणि पुरेसा साठा करण्याची विनंती केली आहे. बीएमसीने सांगितले की, "हा काम दीर्घकालीन जलपुरवठा व्यवस्थेला मजबूत करेल, त्यामुळे तो पुढे ढकलता येणार नाही." नागरिकांनी आपल्या वॉर्डनुसार प्रसिद्धिपत्रक तपासून आवश्यक तयारी करण्याची सूचना देण्यात आली आहे.