सर्वजण कार्यक्रमांसाठी मेकअप करतात. मात्र जेव्हा मेकअप काढण्याची वेळ येते तेव्हा मात्र तो व्यवस्थित काढता येत नाही. मेकअप काढताना नीट न काढल्यास चेहऱ्याला त्रास होऊ शकते. मेकअप व्यवस्थित काढला न गेल्यास त्वचा कोरडी होऊ शकते. चला तर आज आम्ही तुम्हाला काही त्वचेला हानी न पोहोचवता नैसर्गिक पद्धतीने मेकअप कसा काढाल हे सांगणार आहोत
मेकअप काढण्यासाठी तुम्ही कोरफडीचे जेलचा वापर करू शकता. कोरफडीचे जेल हातावर घेऊन हलक्या हाताने चेहऱ्यावर मसाज करा आणि चेहरा धुवून टाका. चेहऱ्यासाठी कोरफड खूप फायदेशीर आहे.
मेकअप काढताना सर्वात आधी चेहऱ्याला नारळाचे तेल लावा. नारळ्याचे तेल लावून कापसाने मेकअप पुसून टाका.
दही आणि दुधाचे एकत्र मिश्रण करून ती पेस्ट चेहऱ्याला थोडावेळ लावून ठेवा. थोड्यावेळानंतर थंड पाण्याने चेहरा धुवून टाका. असे केल्यास मेकअप सहज काढण्यास मदत होईल.
मेकअप काढण्यासाठी गुलाबपाणी खूप उपयोगी ठरते. कापसाच्या गोळ्यावर गुलाब पाणी घेऊन हलक्या हाताने मेकअप साफ करावा. गुलाब पाण्याने मेकअप साफ केल्यानंतर चेहरा पाण्याने स्वच्छ धुवावा.
मेकअप काढताना बदामाच्या तेलाचा तुम्ही वापर करू शकता. बदाम तेल हातावर घेऊन हलक्या हाताने चेहऱ्यावर मसाज करा. त्यानंतर ओल्या कपड्याने किंवा कोमट पाण्याने चेहरा धुवा. बदाम तेल त्वचेला हायड्रेट करते.
