फळे खाणे हे लहानांपासून मोठ्यांपर्यंत सगळ्यांसाठी फायदेशीर आहे. रोजच्या आहारात वेगवेगळी फळे घेतल्याने शरीराला ताकद मिळते आणि आरोग्य चांगले राहते. त्यात चिकू हे साधे, स्वस्त आणि चविष्ट फळ अनेकांच्या पसंतीस उतरते. यामधील नैसर्गिक गोड चव शरीराला ऊर्जा देते. चिकू खाल्ल्याने पोट साफ राहते, पचन सुधारते आणि थकवा कमी होतो. यात जीवनसत्त्वे व खनिजे असल्यामुळे शरीर मजबूत राहण्यास मदत होते. सकाळी नाश्त्यात काय खावे हा प्रश्न पडला तर चिकूचा शेक उत्तम पर्याय ठरू शकतो.
चिकू हे सर्वांच्या आवडीचे आणि खिशाला परवडणारे फळ आहे. यामध्ये नैसर्गिक गोडवा, जीवनसत्त्वे आणि खनिजे मुबलक प्रमाणात असतात. पोट साफ राहण्यास आणि शरीराला ताकद मिळण्यास मदत होते.
नाश्त्यात काही हलके पण पोटभर खायचे असेल, तर चिकूचा शेक हा छान पर्याय ठरतो. तो पिल्यावर बराच वेळ भूक लागत नाही.
ताजे चिकू, थंड दूध, भिजवलेले खजूर, थोडे बदाम, वेलची पूड आणि चवीनुसार गूळ.
चिकू स्वच्छ धुवून सोलून तुकडे करा. मिक्सरमध्ये चिकू, दूध, खजूर आणि बदाम घालून बारीक फिरवा. नंतर वेलची आणि गूळ घालून पुन्हा एकदा फिरवा.
ग्लासमध्ये ओतून वरून सुका मेवा टाका. लहानांपासून मोठ्यांपर्यंत सर्वांना आवडेल असा हा घरगुती, पौष्टिक आणि चवदार चिकू मिल्कशेक तयार!
