Virat Kohli : "तू त्याच्याशी लग्न कर" ऑस्ट्रेलियाच्या माजी क्रिकेटरचा लेकीला सल्ला
टीम इंडियाचा स्टार फलंदाज विराट कोहली याचा चाहतावर्ग जगभरात आहे. त्याची फॅशन, खेळातील आक्रमकता आणि व्यक्तिमत्त्व लाखोंना भुरळ घालते. पण विराटच्या चाहत्यांमध्ये केवळ सामान्य लोकच नाहीत, तर अनेक दिग्गज क्रिकेटपटूही त्याच्यावर फिदा आहेत. याचाच एक भन्नाट किस्सा नुकताच उघडकीस आला आहे. ऑस्ट्रेलियाचा माजी कर्णधार मार्क टेलर याने एका पॉडकास्टमध्ये खुलासा केला की तो विराट कोहलीच्या व्यक्तिमत्त्वाने एवढा प्रभावित झाला होता की त्याने थेट आपल्या 17 वर्षांच्या मुलीला विराटशी लग्न करण्याचा सल्ला दिला होता.
ही मजेशीर माहिती एलिसा हिलीच्या ‘Willow Talk’ पॉडकास्टमध्ये उघड झाली. टेलरने 2014 मध्ये कोहलीला दिलेल्या मुलाखतीचा एक किस्सा शेअर करत सांगितलं की, “मुलाखत सुरू असताना कोहलीला टीम मॅनेजरने परत बोलावलं, पण कोहलीने ठामपणे सांगितलं की,‘मी आधी ही मुलाखत पूर्ण करेन.’त्याचा तो व्यावसायिकपणा आणि आदर पाहून मी थक्क झालो.” त्याच वेळेस टेलरने आपल्या मुलीला कोहलीशी ओळख करून दिली आणि विनोद करत म्हणाला, "तो छान मुलगा आहे, तुला वाटलं तर त्याच्याशी लग्न कर!" त्यावेळी विराटचं अनुष्काशी नातं सुरू झालेलं नव्हतं.
आज विराट कोहली आणि अनुष्का शर्मा हे देशातील सर्वात चर्चेतील सेलिब्रिटी कपल आहेत. त्यांना एक मुलगी वामिका (2021) आणि एक मुलगा अकाय (2024) आहे. मार्क टेलरचा हा किस्सा जितका मजेदार, तितकाच विराटच्या जगभरातील प्रभावाची साक्ष देणारा आहे.
