Arjun Tendulkar Engagement : अर्जुन तेंडुलकरने गुपचूप उरकला साखरपुडा?

(Arjun Tendulkar Engagement) भारतीय क्रिकेट संघाचा माजी दिग्गज खेळाडू सचिन तेंडुलकर याचा मुलगा क्रिकेटपटू अर्जुन तेंडुलकर याचा साखरपुडा झाल्याची चर्चा रंगली आहे. मिळालेल्या माहितीनुसार अर्जुनचा साखरपुडा मुंबईतील प्रख्यात उद्योगपती रवी घई यांची नात सानिया चंडोकसोबत झाल्याचे समजते.

दोन्ही कुटुंबातील निवडक सदस्य आणि जवळचे मित्रच या कार्यक्रमाला उपस्थित असल्याची माहिती मिळत आहे. अर्जुन आणि सानियाचा साखरपुडा एका खाजगी समारंभात पार पडल. सानिया अर्जुनची बालपणीची मैत्रीण आहे. घई इंटरकॉन्टिनेंटल मरीन ड्राइव्ह हॉटेल आणि ब्रुकलिन क्रीमरीचे मालक आहेत.

अर्जुन तेंडुलकरने आतापर्यंत मुंबई इंडियन्ससाठी एकूण पाच सामने खेळले आहेत. अर्जुनने 2023 मध्ये आयपीएलमध्ये पदार्पण केले. अर्जुन तेंडुलकरचा साखरपुडा झाल्याची चर्चा सोशल मीडियावर चांगलीच रंगली आहे. मात्र, तेंडुलकर आणि चंडोक कुटुंबीयांनी यावर अद्याप कोणतीही अधिकृत प्रतिक्रिया दिलेली नाही.