Asia Cup 2023 : भारत आणि पाकिस्तानचा सामना पाहता येणार फुकटात; कसे ते वाचा

आशिया कप स्पर्धा 2023 मधील तिसरा सामन्याकडे क्रिकेट विश्वाचं लक्ष लागले आहे. आगामी वर्ल्ड कपआधी आशिया खंडातील 6 पैकी 5 संघांसाठी आशिया कप स्पर्धा महत्त्वाची आहे. बांगलादेश आणि श्रीलंका यांच्यात ज्या मैदानावर सामना झाला तिथेच भारत आणि पाकिस्तानची लढत होणार आहे. मात्र या सामन्यावर पावसाचे सावट असणार आहे. आशिया कप स्पर्धेतील टीम इंडियाचा हा पहिलाच सामना असेल. तर पाकिस्तानचा दुसरा सामना आहे.

क्रिकेटप्रेमींमध्ये हा सामना पाहण्याची उत्सुकता आहे. भारत आणि पाकिस्तान यांच्यातील थरार फुकटात पाहायची संधी आहे. दुपारी तीन वाजता सामन्याला सुरुवात होईल. दुपारी अडीच वाजता नाणेफेक होणार आहे. टीम इंडिया आणि पाकिस्तान यांच्यातील हा हायव्होलटेज सामना डिस्ने प्लस हॉटस्टारवर विनामूल्य थेट प्रसारित केला जाईल.

मोफत लाईव्ह स्ट्रिमिंग सुविधा केवळ मोबाईल युजर्ससाठी असेल. तुमच्या मोबाईलमध्ये हॉटस्टारचे अॅप असेल तर तुम्ही मोफत सामना पाहू शकता त्यासाठी तुमच्याकडून कोणतेही शल्क आकारले जाणार नाही आहे.

टीम इंडिया

रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल, हार्दिक पंड्या, रवींद्र जाडेजा, जसप्रीत बुमराह, कुलदीप यादव, मोहम्मद सिराज, मोहम्मद शमी, इशान किशन, शार्दुल ठाकूर, अक्षर पटेल, सूर्यकुमार यादव, तिलक वर्मा, प्रसिद्ध कृष्ण.

राखीव खेळाडू : संजू सॅमसन

पाकिस्तानचा संघ

फखर जमां, इमाम उल हक, बाबर आजम (कर्णधार), मोहम्मद रिजवान (विकेटकीपर), आगा सलमान, इफ्तिखार अहमद, शादाब खान, फहीम अशरफ, मोहम्मद हारिस, मोहम्मद वसीम जुनिअर, अब्दुल्ला शफीक, उसामा मीर, सऊद शकील, मोहम्मद नवाज, शाहीन अफरीदी, नसीम शाह, हारिस रऊफ.