Palash Muchhal and Mary Dcosata: पलाश मुच्छल आणि मेरी डिकॉस्टाचं अफेअर? ‘व्हायरल चॅट’मुळे सोशल मीडियावर चर्चेचा भडका, नेमकं प्रकरण काय?

बॉलिवूड, क्रिकेट आणि सोशल मीडियावर सध्या चर्चेत असलेले स्मृती मानधना आणि पलाश मुच्छल यांचे लग्न पुन्हा एकदा वादाच्या भोवऱ्यात सापडले आहे. काही दिवसांपूर्वीच स्मृतीच्या वडिलांना छातीत दुखू लागल्याने लग्न काही काळासाठी पुढे ढकलण्यात आले असल्याचे सांगितले गेले होते. मात्र, आता समोर येणाऱ्या माहितीनुसार या लग्नाच्या पुढे ढकलण्यामागे आरोग्याचे नव्हे तर वैयक्तिक कारण असल्याची चर्चा जोरात रंगली आहे.

सोशल मीडियावर असे म्हटले जात आहे की, पलाश मुच्छलचा नृत्यदिग्दर्शक मेरी डिकॉस्टा हिच्यासोबत प्रेमसंबंध असल्याचे चॅट व्हायरल झाल्याने हा लग्नसोहळा रद्द करण्यात आला आहे. या चॅटचे स्क्रीनशॉट विविध सोशल मीडिया प्लॅटफॉर्मवर व्हायरल होत आहेत. काही पोस्टनुसार हे चॅट पलाश आणि स्मृतीचे लग्न ठरल्यावरचे असल्याचे सांगितले जाते. यामुळे चाहत्यांमध्ये मोठी खळबळ उडाली आहे. तथापि, या दाव्यांची पुष्टी झालेली नाही, तसेच ना पलाश मुच्छल, ना स्मृती मानधना यांनी या प्रकरणावर कोणतेही भाष्य केलेले नाही.

दरम्यान, स्मृती मानधनाचे वडील श्रीनिवास मानधना यांची तब्येत आता स्थिर असून त्यांना रुग्णालयातून डिस्चार्ज देण्यात आला आहे. डॉक्टरांनी त्यांच्यावर अँजिओग्राफी केली असून कोणताही ब्लॉकेज नसल्याचे स्पष्ट झाले आहे. त्यामुळे मानधना कुटुंबाने सध्या दिलासा व्यक्त केला असला तरी, पलाश आणि मेरीच्या चॅटिंगमुळे संपूर्ण लग्नप्रकरण पुन्हा चर्चेत आले आहे.

मेरी डिकॉस्टा ही एक नृत्यदिग्दर्शक असून, स्मृती मानधना आणि पलाश मुच्छल यांच्या लग्नसोहळ्यातील नृत्याची कोरिओग्राफी तिच्याकडेच सोपवण्यात आली होती. गेल्या काही महिन्यांपासून पलाश आणि मेरी यांची ओळख जवळीकात रुपांतरित झाली असल्याचे म्हटले जाते. सध्या सोशल मीडियावर या चर्चेने आकार घेतला असून, चाहत्यांमध्ये “हे लग्न पलाशच्या वागण्यामुळे तर पुढे ढकलले नाही ना?” असा प्रश्न वारंवार विचारला जात आहे.

संपूर्ण प्रकरणात कोणत्याही अधिकृत पुष्टी नसली तरी या अफवांनी मनोरंजनविश्वात खळबळ उडवली आहे. क्रिकेट आणि बॉलिवूडच्या संगमातील हे आता व्यक्तीगत नातेसंबंधांच्या प्रवाहात वाहत गेल्याने चाहत्यांचे आणि चाहतींच्या भावना आणखीनच गुंतल्या आहेत.