कोहलीच्या चाहत्याकडून खास ऑफर; विराट कोहलीचे जेवढे रन, तेवढं चिकन बिर्याणीवर डिस्काऊंट

Virat Kohli Fan Unique Offer : टीम इंडियाचा स्टार खेळाडू विराट कोहली सध्या दमदार फॉर्ममध्ये आहे. कोहलीचे भारतातच नाही तर जगभरात लाखो चाहते आहेत. जे त्याचं कौतुक करताना थकत नाहीत. भारतातही कोहलीचा असाच एक जबरा फॅन आहे, ज्याने बिर्याणीची खास ऑफर सुरु केली आहे. विराट कोहलीच्या या फॅनची सध्या चर्चा रंगली आहे. कोहली सामन्यामध्ये जेवढ्या धावा काढणार, चिकन बिर्याणीवर तेवढीच सवलत देण्याची ऑफर आहे.

या जबरा फॅनचं नाव दानिश रिजवान आहे. दानिश उत्तर प्रदेशतील मुजफ्फरनगर येथील रहिवासी आहे. त्याने त्याच्या प्रसिद्ध 'मकबूल बिर्याणी' दुकानात खास ऑफर ठेवली आहे. भारत आणि दक्षिण आफ्रिका सामन्यादरम्यानही रविवारी कोहलीचा वाढदिवस होता, त्या दिवशी कोहलीने शतकी खेळी केल्यामुळे चिकन बिर्याणीवर 100 टक्के सूट दिली होती. 100 टक्के सवलत म्हणजेच चिकन बिर्याणीची मोफत प्लेट शेकडो लोकांना वाटण्यात आली.