Jalgaon News : जळगावमध्ये कपड्याच्या दुकानाला आग; शॉर्टसर्कीटमुळे आग लागल्याचा प्राथमिक अंदाज

जळगावमधून एक धक्कादायक घटना समोर आली आहे. शहराजवळील मध्यवर्ती असलेल्या फुले मार्कटमधील एका कपड्यांच्या दुकानाला आग लागली आहे. ही आग शॉटसर्किटमुळे लागल्याचे समोर आले. आग लागल्याने मार्केट परिसरात मोठा गोंधळ उडाला होता. आग लागल्याची माहिती मिळताच अग्नीशमन दलाचे पथक तात्काळ घटनास्थळी दाखल झाले, असून आगीवर नियंत्रण मिळवण्यात यश आले. या आगीत दुकानदाराचे लाखो रुपयांचे नुकसान झाल्याची माहिती समोर आली आहे. मात्र कोणत्याही प्रकारची जीवीतहानी झाली नाही. सदर प्रकरणाचा पोलिस अधिक तपास करत आहेत.