ऐश्वर्या राय बच्चन आणि अभिषेक बच्चन यांची लाडकी मुलगी आराध्या बच्चन लोकप्रिय स्टार किड्सपैकीच एक आहे. आराध्याला नेहमी ऐश्वर्या राय बच्चनसोबत पाहिले जाते. मायलेकींच्या एकाच हेअरस्टाईलमुळे त्यांना अनेकदा ट्रोलर्सचा सामना करावा लागतो. नुकताच काल शाळेच्या कार्यक्रमात आराध्या अनोख्या लुकमध्ये दिसत होती.
काल संध्याकाळी आराध्या बच्चनच्या धीरूभाई अंबानी इंटरनॅशनल स्कूलमध्ये वार्षिक कार्यक्रम आयोजित केले होते. यात शाळेत शिकणाऱ्या अनेक स्टार्सच्या मुलांनी सहभाग घेतला होता. ऐश्वर्या-अभिषेकची मुलगी आराध्या बच्चन सुध्दा शाळेच्या कार्यक्रमात सहभागी झाली होती.
यावेळी स्टेजवर इंग्रजीत अभिनय करणाऱ्या आराध्याने जांभळ्या रंगाचा ड्रेस परिधान केला होता. विशेष म्हणजे आराध्याची हेअरस्टाइल पूर्णपणे वेगळी होती. तिचे केस मागच्या बाजूला बांधलेले होते, ज्यामुळे पहिल्यांदाच आराध्याचा संपूर्ण चेहरा स्पष्टपणे दिसत होता. इतकंच नाही, तर आराध्या या कार्यक्रमात खूप सुंदर दिसत होती.
आराध्याच्या शाळेतील परफॉर्मन्सचे व्हिडिओ सोशल मीडियावर जोरदार व्हायरल होत असून नेटकरी तिच्या लूकची प्रशंसा करताना थकत नसल्याचे दिसून येते.