देशामध्ये गुन्हेगारीच्या प्रकरणांमध्ये वाढ होताना दिसत आहे. उत्तर प्रदेशमधील मेरठ येथील सौरभ राजपूत हत्याकांड, बंगळुरूमधील गौरी खेडेकरची नवऱ्याने केलेली हत्या या सगळ्याची चर्चा सुरु असतानाच एक नवीन धक्कादायक घटना समोर आली आहे. दिल्ली येथील शहदरा येथील एका फ्लॅटमधील बेडमध्ये एका महिलेचा मृतदेह आढळून आला आहे.
समोर आलेल्या माहितीनुसार, महिलेचे वय 35 ते 40 वर्षादरम्यान असण्याची शक्यता आहे. मृतदेहाची अद्याप मात्र ओळख पटली नाही. बंद खोलीतून दुर्गंधी येत असल्याने शेजारच्यांनी माहिती दिली आणि भयंकर समोर आलं. बेडमध्ये महिलेची बॉडी आढळल्याने एकच खळबळ उडाली आहे. फ्लॅटमधील बेडमध्ये महिलेचा मृतदेह आढळल्याने परिसरातील नागरिकांमध्ये भीतीचं वातावरण पसरलं आहे.