ड्रग माफिया ललित पाटील प्रकरणात पुणे पोलिसांची मोठी कारवाई करण्यात आली आहे. ललित पाटीलला पळून जाण्यास मदत करणाऱ्या दोघा पोलिसांना थेट पोलीस दलाच्या शासकीय सेवेतून बडतर्फ केलं आहे. नाथाराम काळे आणि अमित जाधव या दोन पोलिसांना थेट शासकीय सेवेतून काढून टाकत मोठी कारवाई करण्यात आली. माफिया ललित पाटील हा दोन ऑक्टोबर रोजी पुण्यातील ससूनमधून पळून गेल्यानंतर त्यांना पळून जाण्यासाठी या दोघांनी मदत केली होती.
आरोपी नाथाराम काळे आणि अमित जाधव ललित पाटीलला पळून जाण्यासाठी मदत करणारा विनय आरानाचा ड्रायव्हर दत्ता डोके याला फोनद्वारे संपर्क केल्या असल्याची माहिती पोलीस चौकशीतून समोर आली आहे. ससून मधून पळाल्या नंतर ललित पाटीलला रावेत पर्यंत विनय आरामाचा ड्रायव्हर दत्ता डोके यांनी खाजगी वाहनातून सोडले होते.या प्रकरणी दोघां पोलिसांची तात्पुरता निलंबनाची कारवाई पुणे पोलिसांनी केली होती. आता मात्र पोलिसांनी कारवाईचा मोठा बडगा उगरत दोघांना थेट शासकीय सेवातून काढून टाकल्याने पोलीस दलात मोठी खळबळ उडाली आहे.