नांदेडमधील देगलूर बिलोली विधानसभा पोटनिवडणुकीसाठी झालेल्या मतदानानंतर आज मतमोजणी होत आहे. आज सकाळी 8 वाजल्यापासून मतमोजणीला सुरुवात झाली आहे. काँग्रेसचे जितेश अंतापूरकर 26 व्या फेरीअखेर 38 हजार 126 मतांनी आघाडीवर आहेत.

काँग्रेसचे आमदार रावसाहेब अंतापूरकर यांच्या निधनानंतर देगलूरमध्ये पोटनिवडणूक होत आहे. या निवडणुकीत एकूण 12 उमेदवार रिंगणात आहेत. असं असलं तरी 3 पक्षात प्रामुख्याने ही लढत होत आहे. या निवडणुकीत काँग्रेस आणि भाजपची प्रतिष्ठा पणाला लागली आहे. कारण संपूर्ण महिनाभर मंत्री अशोक चव्हाण देगलूर बिलोलीमध्ये तळ ठोकून होते. तर भाजपनेही ही निवडणूक प्रतिष्ठेची केली. भाजपचे अनेक नेते आमदार पदाधिकाऱ्यांनी संपूर्ण देगलूरमध्ये जीवाचं रान करुन प्रचार केला.

अनुसुचित जातीसाठी आरक्षित असणाऱ्या या मतदारसंघात काँग्रेसकडून जितेश अंतापूरकर , भाजपचे उमेदवार सुभाष साबणे तर वंचित बहुजन आघाडीचे उमेदवार डॉ. उत्तम रामराव इंगोले निवडणूक रिंगणात आहेत.

▪️सव्वीसावी फेरी 26
1 ) जितेश रावसाहेब अंतापूरकर :- 97157
(इंडियन नॅशनल कॉग्रेस)
2) सुभाष पिराजीराव साबणे :- 59031
(भारतीय जनता पार्टी)
3) उत्तम रामराव इंगोले :- 10466
(वंचित बहुजन आघाडी)
▪️अंतापूरकर 38126 मतांनी आघाडीवर.