सतेज औंधकर, कोल्हापूर

श्री छत्रपती राजाराम सहकारी साखर कारखान्याची आज सभा होणार आहे. गोकुळनंतर आता कारखान्याच्या सभेतही सतेज पाटील आणि महादेवराव महाडिक गट आमने सामने येणार आहेत. श्री छत्रपती राजाराम सहकारी साखर कारखान्याची 39 वी वार्षिक सर्वसाधारण सभा आज कसबा बावडा येथील कारखाना कार्यस्थळावर पार पडत आहे.

या सभेला सकाळी अकरा वाजता सुरुवात होणार असून कारखान्याचे चेअरमन हे सभास्थळी दाखल झाले आहेत. वार्षिक सर्वसाधारण सभेसाठी सभासद ही मोठ्या संख्येने दाखल व्हायला सुरुवात झाली आहे.

या वार्षिक सर्वसाधारण सभेत विविध मुद्द्यांवरून सतेज पाटील गट आक्रमक होण्याची शक्यता आहे. त्यामुळे या परिसरात पोलिसांचा मोठा बंदोबस्त ही तैनात करण्यात आला आहे.