मुंबई : दरवर्षी शिवाजी पार्कवर होणारा दसरा मेळावा ही शिवसेनेची परंपरा आहे. दसरा मेळाव्याच्या निमित्ताने उद्धव ठाकरे आणि मुख्यमंत्री एकनाथ शिंदे गटाकडून पुन्हा एकदा आमने-सामने येण्याची चिन्ह आहेत. दसरा मेळाव्यासाठी शिवाजी पार्क मैदान मिळावं म्हणून ठाकरे गटाकडून अर्ज करण्यात आला आहे. मागच्या वर्षीची परिस्थिती लक्षात घेता यावेळी ठाकरे गटाने मुंबई महापालिकेला महिनाभरापूर्वी अर्ज केला आहे. यंदा आम्हालाच मैदान मिळेल, असा विश्वास ठाकरे गटाने व्यक्त केला आहे.