BSF Jawan : खुशखबर ! पाकिस्तान हद्दीत चुकून घुसलेला BSF जवान मायदेशी परतला

भारत आणि पाकिस्तानमधील तणावाच्या पार्श्वभूमीवर बीएसएफ जवान पीके शॉ आपल्या मायदेशी परतले आहेत. पाकिस्तानने त्यांना भारतात परत केले आहे. पीके शॉ 23 एप्रिल रोजी चुकून पाकिस्तानच्या सीमेत घुसले होते. यानंतर त्याला पाकिस्तानी सैन्याने अटक केली. पीके शॉ 20 दिवसांनंतर त्यांची सुटका झाली आहे.

पीके शॉच्या परतण्याबाबत सीमा सुरक्षा दलाने एक प्रेस रिलीज जारी केली आहे. बीएसएफने म्हटले आहे की, "आज बीएसएफ जवान कॉन्स्टेबल पूर्णम कुमार शॉ अटारी-वाघा सीमेवरून भारतात परतले आहेत. पूर्णम यांनी 23 एप्रिल 2025 रोजी कर्तव्यावर असताना चुकून पाकिस्तानच्या हद्दीत प्रवेश केला. दोन्ही देशांमधील परिस्थिती बिघडू लागल्यावर पीके शॉ पाक सीमेवर पोहोचले.

बीएसएफ जवान पीके शॉ पंजाबच्या फिरोजपूर सीमेवरून पाकिस्तान सीमेवर गेले होते. ते मूळचे पश्चिम बंगालमधील आहेत.पीके शॉ यांच्या पत्नी रजनी साहू या प्रकरणामुळे खूप चिंतेत होत्या. पतीच्या सुटकेसाठी त्यांनी चंदीगडला पोहोचल्या होत्या. त्यांनी तेथील बीएसएफ अधिकाऱ्यांची भेट घेतली होती.