New Year 2026 First Sunrise: इथे होतो नववर्षाचा पहिला सूर्योदय? जाणून घ्या जगात सर्वात आधी कुठे साजरं होतं नवीन वर्ष

थोडक्यात बातमी वाचण्यासाठी खाली स्क्रोल करा...

नवीन वर्षाच्या सुरुवातीला देशातील पहिला सूर्योदय पाहण्याची संधी कोणाला मिळाली तर तो अनुभव अविस्मरणीय होईल, अशी कल्पनाच वेगळी आहे. भारताच्या पूर्वेकडील टोकावर असलेल्या अरुणाचल प्रदेशातील अंजॉ जिल्ह्यातील डोंग गाव हे असे दुर्मिळ ठिकाण आहे, जिथे २०२६ च्या पहिल्या सूर्योदयाचा प्रत्यक्ष साक्षीदार होता येईल. निसर्गप्रेमी आणि रोमांचक प्रवास शोधणाऱ्यांसाठी ही जागा खरीच स्वप्नवत आहे.

दरवर्षी नवीन वर्षाचे स्वागत लोक वेगवेगळ्या पद्धतीने करतात. काहीजण कुटुंबासोबत वेळ घालवतात, तर काही मित्रांसोबत पार्टी करतात. मात्र, गर्दीपासून दूर शांत निसर्गरम्य ठिकाणी जाऊन हटके अनुभव घेण्याचा प्लॅन असणाऱ्यांसाठी डोंग गाव परफेक्ट पर्याय ठरू शकते. हे गाव भौगोलिकदृष्ट्या देशाच्या सर्वात पूर्वेकडील भागात आणि उंच पर्वतरांगांमध्ये वसलेले आहे. सूर्य पूर्व दिशेने उगवल्यामुळे त्याचे पहिले किरण सर्वप्रथम याच भागाला स्पर्श करतात, ज्यामुळे इथे देशातील इतर भागांच्या तुलनेत सुमारे एक तास आधी सूर्योदय होतो. नवीन वर्षाच्या पहाटेला साडेचारच्या आसपास तयार राहून हा क्षण अनुभवता येतो.

डोंग गावापर्यंत पोहोचणे थोडे कठीण असले तरी त्याचा आनंद दुप्पट मिळतो. प्रथम आसाममधील गुवाहाटी किंवा डिब्रूगढ येथे विमानाने किंवा रेल्वेने पोहोचावे लागते. डिब्रूगढ किंवा तिनसुकिया हे जवळचे रेल्वे स्टेशन आहेत. तिथून रस्त्याने अंजॉ जिल्ह्याचे मुख्यालय तेजू गाठून पुढे वालॉन्गपर्यंत प्रवास करावा. शेवटी थोडी ट्रेकिंग करून हे निसर्गसुंदर गाव सापडते, जी स्वतःच रोमांचक अनुभव देते.

या ठिकाणी सूर्योदय पाहण्यासाठी दरवर्षी पर्यटकांची गर्दी वाढत आहे. नवीन वर्षाच्या निमित्ताने डोंग गावाला भेट देण्याचा विचार करणाऱ्यांनी आधीच प्रवासाची तयारी सुरू करावी.