Ponniyin Selvan Teaser: 500 कोटींच्या बजेटमध्ये बनवलेला पोन्नियिन सेल्वनचा टीझर आऊट
दिग्दर्शक मणिरत्नम (Mani Ratnam) यांचा 'पोनियिन सेल्वन' उर्फ 'पीएस 1' हा चित्रपट पाहण्यासाठी चाहते आतुरतेने वाट पाहत होते. तर आता त्यांच्या चाहत्यांसाठी एक आनंदाची बातमी आहे. पोनियिन सेल्वनचा टीझर (Ponniyin Selvan Teaser) रिलीज झाला आहे. हा चित्रपट चोल साम्राज्यावर आधारित असून हा चित्रपट जबरदस्त असणार आहे हे टीझरवरून स्पष्ट होत आहे.
प्रदर्शित झालेल्या टीझरमध्ये विक्रम, कीचा सुदीप आणि जयम रवी दिसत आहेत. याशिवाय ऐश्वर्या राय बच्चन आणि त्रिशा अतिशय सुंदर लूकमध्ये दिसत आहेत. सोबतच टीझरमध्ये मोठी जहाजे, हत्ती-घोडे आणि राजवाडे दाखवण्यात आले आहेत. 'पोनियिन सेल्वन'चा हा टीझर एकदम आलिशान दिसत आहे.
पोन्नियिन सेल्वन चित्रपटाची कथा 10 व्या शतकातील चोल राजवंशावर आधारित आहे. यात कावेरी नदीचा मुलगा पोन्नियिन सेल्वन याच्या भारतीय इतिहासाचा सर्व तपशील आहे.
तर दिग्दर्शक मणिरत्नम चार वर्षांनी दिग्दर्शक म्हणून पडद्यावर पुनरागमन करत आहेत. त्याने शेवटचा 2018 मध्ये चेक चिवंथा वाणम (Chekka Chivantha Vaanam) हा चित्रपट बनवला होता. यानंतर आता तो लवकरच पोन्नियिन सेल्वन हा चित्रपट घेऊन येत आहे. चोल साम्राज्यात सुरू असलेला संघर्ष या चित्रपटात दाखवण्यात येणार आहे. भारतातील पिरियड चित्रपटांपैकी हा सर्वोत्कृष्ट चित्रपट मानला जातो.
