Raj Kundra arrest : राज कुंद्राच्या अटकेनंतर क्रिकेटर अजिंक्य रहाणे ट्रोल

अभिनेत्री शिल्पा शेट्टीचा पती आणि उद्योजक राज कुंद्राला अश्लील व्हिडीओ बनवणे आणि अपलोड करणे याप्रकरणी अटक करण्यात आली आहे. राज कुंद्राच्या अटकेनंतर अनेक धक्कादायक गोष्टी उघडकीस येऊ लागल्या आहेत. याच प्रकरणात भारतीय क्रिकेटपटू अजिंक्य राहणे देखील नेटकऱ्यांच्या निशाण्यावर आला आहे.

अजिंक्य राहाणेचं एक जुनं ट्वीट सध्या व्हायरल होत आहे. 19 ऑक्टोबर 2012 रोजी अजिंक्यने राज कुंद्राला टॅग करत एक ट्वीट केलं होतं. या ट्वीटमध्ये अजिंक्यने राज कुंद्राची स्तुती करताना सर तुम्ही उत्तम काम करत आहात, असं म्हटलं होतं. यानंतर अजिंक्यला उत्तर देताना राजने धन्यवाद, असं म्हटलं होतं.

अजिंक्य राहणेनं राज कुंद्राचं कौतुक करणारं ट्वीट केल्यानं राहणे नेटकऱ्यांच्या निशाण्यावर आला आहे. 2012 मध्ये अजिंक्यने राज कुंद्राची स्तुती केली होती.