गुलाबाचे आहेत आरोग्यासाठी अनेक फायदे; जाणून घ्या

डॉ. नमिता पारेख, डॉ. भाग्यश्री झोपे

गुलाब हे आपल्या आरोग्यासाठी देखील खूप फायद्याचे आहे. गुलाबाचे अनेक फायदे आहेत. गुलाब हृदयाला हितकर असते, शुक्रवर्धक असते, पोट साफ होण्यास मदत करतो, शरीरातला दाह कमी करतो, रक्तदोष दूर करण्यास गुलाबाची मदत होत.

गुलाब हे आपल्या आरोग्यासाठी देखील खूप फायद्याचे आहे. गुलाबाचे अनेक फायदे आहेत. गुलाब हृदयाला हितकर असते, शुक्रवर्धक असते, पोट साफ होण्यास मदत करतो, शरीरातला दाह कमी करतो, रक्तदोष दूर करण्यास गुलाबाची मदत होत.

वाळलेल्या गुलाबाच्या कळ्या पाण्यात भिजत घालून, सकाळी ते पाणी गाळून प्यायलं असता पोट साफ होण्यास मदत मिळते. गोवर, कांजण्या किंवा उष्णतेमुळे ताप येऊन गेल्यावर शरीरात ताप शिल्लक राहू नये यासाठी गुलाबाच्या पाकळ्या भिजत घातलेलं पाणी पिण्याचा उपयोग होतो.

पित्त वाढण्याची समस्या असेल, म्हणजे उन्हात गेलं की डोकं दुखत असेल, वारंवार मायग्रेनचा त्रास होत असेल, तर आठवड्यातून एकदा तीन चमचे गुलाबाच्या पाकळ्या, सात आठ काळ्या मनुका आणि अर्धा चमचा सोनामुखीची पानं यांचा काढा घेतला, तर एक दोन जुलाब होऊन पित्त पडून जातं आणि पित्ताशी संबंधित विकार बरे होण्यास मदत मिळते.

डोळ्यांची आग होत असेल, स्क्रीनच्या अतिवापरामुळे डोळे थकत असतील, तर गुलाबपाण्यात भिजवलेल्या कापसाच्या घड्या डोळ्यांवर ठेवण्याचा उपयोग होतो. उष्णता वाढल्यामुळे डोकं दुखत असेल, तर कपाळावर, टाळूवर गुलाबजलच्या घड्या ठेवल्याने आराम मिळतो. अशा प्रकारे गुलाबाचा अनेक प्रकारांनी वापर करता येतो, मात्र त्यासाठी सुगंधी गुलाबच हवा. वास न येणारा गुलाब हा फक्त नावापुरता गुलाब.