केस ब्लो ड्राय करताना 'या' गोष्टी ठेवा लक्षात; केस दिसतील चमकदार
Hair Care : अनेकदा केसांना ब्लो ड्रायर केले जाते जेणेकरून केस सरळ दिसावेत आणि त्यामध्ये चमक येईल. ब्लो ड्रायिंगमध्ये केस ब्रशच्या सहाय्याने कंगव्यात अडकवले जातात, ड्रायर केसांवर फिरवला जातो. या वरवर सोप्या वाटणाऱ्या प्रक्रियेतही अनेक मुली चुका करतात, यामुळे केस जास्तच कोरडे आणि निर्जीव होतात. तुमचीही तीच चूक आहे का? येथे जाणून घ्या, केस सुंदर दिसण्यासाठी केस कसे ब्लो ड्राय करावे.
ओले केस कोरडे करणे
ओले केस ब्लो ड्राय करणे शक्यतो टाळा. केस कोरडे झाल्यावर ब्लो ड्राय करा. केस आधी थोडेसे कोरडे करा आणि नंतर कंगव्यासोबत ब्लो ड्राय करा. यामुळे केसांचे नुकसान कमी होते आणि केस तुटत नाहीत.
केस जास्त कोरडे करू नका
केस जास्त कोरडे केल्याने त्यांचे कायमचे नुकसान होण्याचा धोका वाढतो. केस जास्त कोरडे केल्यावर ब्लो ड्राय नीट होत नाही आणि केसांना चमकही दिसत नाही.
ब्लो ड्रायर टाळूजवळ ठेवू नका
ब्लो ड्रायरमधून बाहेर पडणारी गरम हवा टाळूला इजा पोहोचवू शकते. तुम्हाला कितीही घाई असली तरी, ब्लो ड्रायर डोक्यापासून म्हणजे टाळूपासून काही अंतरावर ठेवण्याचा प्रयत्न करा आणि त्याची गरम हवा टाळूला स्पर्श करू नये.
दिवसभरात वारंवार ब्लो ड्राय करु नका
हिटींग टूल्सचा जास्त वापर केल्याने केसांचे नुकसान होते आणि ब्लो ड्रायर हे देखील गरम करण्याचे साधन आहे. दिवसभरात ब्लो ड्रायरचा जास्त वापर टाळा, अन्यथा केसांचा कोरडेपणा वाढून केस निर्जीव दिसू लागतात.
हीट प्रोटेक्टेंट आवश्यक
आपले केस कोरडे करण्यापूर्वी हीट प्रोटेक्टेंट उत्पादन वापरण्याची खात्री करा. हीट प्रोटेक्टेंट केसांना गरम हवेपासून वाचवतात आणि नुकसान टाळतात. आपण सीरम देखील लावू शकता.
