Satara Doctor case : फलटणमधील महिला डॉक्टर प्रकरण; फरार आरोपींच्या शोधात पोलिसांची पाच पथकं रवाना

थोडक्यात

• फलटणमधील महिला डॉक्टर प्रकरण

• फरार आरोपींच्या शोधात पोलिसांची पाच पथकं रवाना

• मुख्यमंत्र्यांच्या आदेशानंतर PSI गोपाल बदने तात्काळ निलंबित

(Satara Doctor case) सातारा जिल्ह्यातील फलटण उपजिल्हा रुग्णालयात कार्यरत असलेल्या महिला डॉक्टरच्या आत्महत्येच्या प्रकरणाने राज्यभरात खळबळ उडवली आहे. या घटनेत धक्कादायक बाब समोर आली असून, डॉक्टरने आत्महत्येपूर्वी आपल्या हातावरच मृत्यूस कारणीभूत असलेल्या दोन व्यक्तींची नावे लिहिली आहेत.

त्या महिला डॉक्टरने या दोघांवर लैंगिक अत्याचार आणि मानसिक छळाचे गंभीर आरोप केले आहेत. डॉ. संपदा मुंडे असं त्या महिला डॉक्टरच नाव असून काही महिन्यांपासून त्या पोलीस आणि आरोग्य विभागातील वादात अडकल्या होत्या.

याच पार्श्वभूमीवर आता फलटणमधील महिला डॉक्टर आत्महत्या प्रकरणात फरार आरोपींच्या शोधात पोलिसांची पाच पथकं रवाना करण्यात आल्याची माहिती मिळत आहे. या घटनेने फलटण उपजिल्हा रुग्णालय आणि वैद्यकीय क्षेत्रात शोककळा पसरली आहे.