Satara Female Doctor case : फलटणमधील महिला डॉक्टर प्रकरण; गोपाल बदणे आणि प्रशांत बनकरची आज कोठडी संपणार
थोडक्यात
फलटण महिला डॉक्टर आत्महत्या प्रकरण
प्रकरणातील मुख्य आरोपांची आज कोठडी संपणार
आरोपी गोपाल बदने, प्रशांत बनकरची पोलीस कोठडी आज संपणार
(Satara Doctor case) सातारा जिल्ह्यातील फलटण उपजिल्हा रुग्णालयात कार्यरत असलेल्या महिला डॉक्टरच्या आत्महत्येच्या प्रकरणाने राज्यभरात खळबळ उडवली आहे. या घटनेत धक्कादायक बाब समोर आली असून, डॉक्टरने आत्महत्येपूर्वी आपल्या हातावरच मृत्यूस कारणीभूत असलेल्या दोन व्यक्तींची नावे लिहिली आहेत.
मृत डॉक्टरने आत्महत्येपूर्वी आपल्या हातावर सुसाईड नोट लिहिली होती, त्यात तिने धक्कादायक आरोप केले आहेत. त्या नोटमध्ये डॉक्टरने लिहिले आहे की, "PSI गोपाल बदने यांनी तिच्यावर पाच महिन्यांपासून वारंवार अत्याचार आणि लैंगिक शोषण केले, तसेच पोलीस अधिकारी प्रशांत बनकर यांनी तिला मानसिक छळ केला". त्या महिला डॉक्टरने या दोघांवर लैंगिक अत्याचार आणि मानसिक छळाचे गंभीर आरोप केले आहेत. याप्रकरणी दोन्ही आरोपींना अटक झाली आणि पोलीस कोठडी सुनावण्यात आली.
आज या गोपाल बदणे आणि प्रशांत बनकरची कोठडी संपणार असून फलटण न्यायालयात दोघांना हजर करण्यात येणार आहे. मोबाईलच्या अनुषंगाने तपास करण्यासाठी म्हणून गोपाल बदने याच्या कोठडीत वाढ करण्याची मागणी करण्यात येऊ शकते. तर प्रशांत बनकर याला पोलीस कोठडी मिळणार की त्याची न्यायालयीन कोठडीत रवानगी होणार, हे पाहणं महत्त्वाचे ठरणार आहे.
