Badlapur: शिक्षकच बनला राक्षस! सातवीतल्या विद्यार्थीनीवर तीन वर्षे अत्याचार, बदलापूर पुन्हा हादरलं...

बदलापूरमधून एक धक्कादायक प्रकार समोर आला. बदलापूरमधील एका खाजगी शाळेमध्ये शिक्षकाने विद्यार्थीनीचा विनयभंग केल्याचे समोर आले आहे. आरोपी शिक्षक हा पीडित, मुलीसोबत मागील ३ वर्ष विनयभंग करत असल्याचे समजले आहे. पोलिसांनी आरोपी शिक्षकास ताब्यात घेतले आहे.

नेमकं प्रकरण काय आहे?

बदलापूरमधील एका खाजगी शाळेमध्ये विद्यार्थींनीसोबत ३ वर्ष विनयभंग करत होता, अशी तक्रार पीडितेच्या आईने पोलिसांकडे नोंदवली आहे. या प्रकरणी पोलिसांनी आरोपी शिक्षकाला ताब्यात घेतले आहे. आरोपी शिक्षक पीडित, मुलीला तिच्या आईवरुन अश्लील टिप्पणी करत होता. पीडित मुलगी मानसिक तणावाखाली असल्याने ती अचानक आजारी पडली, रुग्ण्यालयात घेऊ गेले असता, हा घडलेला सर्व प्रकार समोर आला.

पीडित मुलीच्या आईने हा सर्व प्रकाराबद्दल महाविकास आघाडीच्या शरदचंद्र पवार यांच्या गटातील कार्यकर्त्यांना माहिती दिली. पीडितेच्या आईने आणि शरदचंद्र पवार यांच्या गटाच्या कार्यकर्तांनी शाळेला जाब विचारला आहे. या दरम्यान बदलापूर पश्चिम पोलिस स्थानकात तक्रार दाखल केली असून पुढील तपास सुरु आहे.