Kajol : 'या' वेबसिरीजमध्ये काजोल झळकणार...
बॉलिवूड (Bollywood) चित्रपटांमध्ये आपल्या दमदार अभिनयाने प्रेक्षकांच्या मनावर राज्य करणारे अनेक स्टार्स ओटीटी प्लॅटफॉर्मकडे वळले आहेत. इथं देखील त्यांनी आपली दमदार कामगिरी दाखवली आहे. आता या यादीत अभिनेत्री काजोल (Kajol) हिचे देखील नाव जोडले जात आहे. तिने 'त्रिभंगा' चित्रपटापूर्वी ओटीटी प्लॅटफॉर्मवर पदार्पण केले आहे. आता ती वेब सीरिजमध्ये पदार्पण करणार आहे. काजोल तिच्या सलाम वेंकी या वेब सीरिजमुळे बऱ्याच दिवसांपासून चर्चित आहे. या वर्षाच्या सुरुवातीलाच तिने या मालिकेची घोषणा केली होती. इंस्टाग्रामवर पोस्ट शेअर करत काजोलने लिहिले की 'आज आपण एका नव्या कथानकाचा प्रवास सुरू करणार आहे.
ही एक कथा आहे जी लोकांनी सांगायला हवी होती. आपल्या जीवनात एक मार्ग घ्यायचा आणि जीवन साजरे करायचे. ही अतुलनीय सत्यकथा तुमच्यासोबत शेअर करायला आम्हाला खूप आनंद होत आहे. डिस्ने हॉटस्टारसाठी ही वेब सिरीज तयार केली जात असून 'द फॅमिली मॅन' लेखक सुपरण वर्मा याला दिग्दर्शित करणार आहेत. सलाम वेंकीच्या कथेत एका आईच्या संघर्षाचे चित्रण केले जाईल जी परिस्थितीने मजबूर होऊन आपल्या मुलांसाठी काम करायला निघते.
यानंतर ती राजकारण, गुन्हेगारी आणि कौटुंबिक यात कशी अडकणार याभोवती या मालिकेची कथा विणली गेली आहे. माहितीसाठी आम्ही तुम्हाला सांगू इच्छितो की 2021 मध्ये आलेला 'त्रिभंगा' हा चित्रपट देखील तीन पिढ्यांच्या महिलांची कथा आहे. अशा परिस्थितीत काजोल यावेळी 'सलाम वेंकी'मध्ये पडद्यावर किती वेगळ्या स्वरूपात दिसणार हे पाहण्यास प्रेक्षक उत्सुक असणार आहेत.
