Parth Pawar : पार्थ पवारांच्या नावावर असलेल्या तब्बल 12 कंपन्यांची नावं आली समोर
थोडक्यात
कोरेगाव पार्कमधील जमीन गैरव्यवहार प्रकरणामुळे राज्यात खळबळ उडाली
पार्थ पवारांच्या नावावर तब्बल 12 कंपन्यांची नावं आली समोर
12 पैकी 3 कंपन्यांमध्ये पार्थ पवार- दिग्विजय पाटील भागीदार ?
(Parth Pawar) उपमुख्यमंत्री अजित पवार यांचे सुपुत्र पार्थ पवार यांच्या कोरेगाव पार्कमधील जमीन गैरव्यवहार प्रकरणामुळे राज्यात खळबळ उडाली आहे. अजित पवार यांचे पुत्र पार्थ पवार यांच्या अमेडिया इंटरप्राइजेस कंपनीने 1800 कोटी रुपये किंमत असलेली जमीन फक्त 300 कोटी रुपयांमध्ये खरेदी केल्याचा आरोप करण्यात आला आहे.
याच पार्श्वभूमीवर आता कोरेगाव पार्क मधील जमीन व्यवहार प्रकरणात मोठी अपडेट समोर आली आहे. पार्थ पवारांच्या नावावर तब्बल 12 कंपन्यांची नावं समोर आली आहेत. पार्थ पवारांच्या अडचणी वाढण्याची आता शक्यता आहे. पार्थ पवारांच्या नावावर असणाऱ्या इतरही कंपन्यांची माहिती समोर आली असून तब्बल 12 कंपन्यांची नावं समोर आली आहेत.
12 पैकी 3 कंपन्यांमध्ये पार्थ पवार- दिग्विजय पाटील भागीदार असल्याची माहिती मिळत असून जमिन घोटाळा प्रकरणात अॅमेडिया एन्टरप्रायझेस LLP चं नाव आहे. त्यातही अनेक कंपन्यांमध्ये पार्थ पवारांची भागीदारी असल्याचं समोर आलं आहे. त्यामुळे पार्थ पवारांच्या या इतर कंपन्यांची चौकशी केल्यास महत्वाची माहिती समोर येण्याची शक्यता असून या कंपन्यांची तपासणी आणि चौकशी होणार का हे पाहणं महत्त्वाचे ठरणार आहे.
