भाजपा खासदाराच्या अंगरक्षकाने महिलेवर ताणले रिव्हॉल्वर

उदय चक्रधर, भंडारा | भंडारा-गोंदिया लोकसभा क्षेत्राचे खासदार सुनिल मेंढे यांचे अंगरक्षक (बॉडीगार्ड) असलेल्या एका पोलीस शिपायाने आपल्या शेजारी राहणाऱ्या महिलेवर बंदूक ताणल्याची खळबळजनक घटना भंडारा शहरातील तकीया वॉर्डात घडली। एवढेच नाही तर महिलेशी वाद घातल्यानंतर घरी परतल्यानंतर रागाच्या भरात शिपायाने हवेत दोन फैरी झाडल्याची घटना घडली.

सेवक तेजराम खंडाते असे पोलीस शिपायाचे नाव असून तो भंडारा गोंदियाचे खासदार यांचा अंगरक्षक म्हणून कार्यरत आहे.तकीया वॉर्डातील शांतीनगर येथे राहणारे रोशन दहेलकर यांच्या घरी अंगरक्षक सेवक खंडाते मद्यधुंद अवस्थेत पोहचला. त्यावेळी घरी असलेल्या पत्नी कुमुदिनी दहेलकर यांच्यावर त्याने रिव्हॉल्वर ताणली.त्याचवेळी सेवकची आई आणि पत्नी तेथे आली, त्यांनी त्याला घरी नेले. परंतु घरी परतताच रागाच्या भरात त्याने हवेत दोन राऊंड फायर केले. या संबंधित अदखलपात्र गुन्हा दाखल केला असून या संदर्भात अधिक तपास सुरू आहे.