Latur Earthquake : लातूर जिल्ह्यातील मुरुड अकोला परिसरात भूकंपाचे धक्के

थोडक्यात

• लातूर जिल्ह्यातील मुरुड अकोला परिसरात भूकंपाचे धक्के

• 2.3 रिश्टर स्केल तीव्रतेच्या सौम्य भूकंपाची नोंद

• कोणत्याही प्रकारच्या अफवांवर विश्वास ठेवू नये असे आवाहन प्रशासनाच्या वतीने करण्यात आले

(Earthquake) लातूर जिल्ह्याला सौम्य भूकंपाचा धक्का बसला आहे. काल रात्री 8 वाजून 13 मिनिटाला हा भूकंपाचा धक्का बसल्याचं प्रशासनाच्यावतीने सांगण्यात आले आहे. लातूर जिल्ह्यातील मुरुड अकोला परिसरात 2.3 रिश्टर स्केल तीव्रतेच्या सौम्य भूकंपाची नोंद झाली आहे.

नागरिकांना सतर्क राहण्याचे व सूचनांचे पालन करण्याचे आवाहन करण्यात आले असून या भूकंपाचे केंद्रबिंदू लातूर शहराच्या पश्चिम बाजूस मुरुड अकोला परिसरात असून, भूकंपाची खोली ५ किलोमीटर असल्याची माहिती मिळत आहे.

ही भूकंपाची नोंद सौम्य स्वरूपाची असल्याने नागरिकांनी घाबरून जाऊ नये. कोणत्याही प्रकारच्या अफवांवर विश्वास ठेवू नये असे आवाहन प्रशासनाच्या वतीने करण्यात आले आहे.