Patur Municipal Council : राज्यातील ‘या’ नगरपालिकेची निवडणूक होणार नाही; कारण काय?

थोडक्यात

• अकोल्याच्या पातूर नगर पालिकेची निवडणूक प्रलंबित

• हद्दवाढीच्या न्यायप्रविष्ठ प्रकरणामुळे निवडणूक प्रलंबित

• निवडणूक नसणारी राज्यातील एकमेव नगर पालिका

(Patur Municipal Council ) स्थानिक स्वराज्य संस्थांच्या निवडणुकांचं बिगुल वाजलं आहे. राज्यातील स्थानिक स्वराज्य संस्थांच्या निवडणुकांच्या पार्श्वभूमीवर सर्वच राजकीय पक्ष तयारीला लागले आहेत. 2 डिसेंबर रोजी मतदान, तर 3 डिसेंबर रोजी मतमोजणी होणार आहे.

या निवडणुकांसाठी नामनिर्देशनपत्र दाखल करण्यास १० नोव्हेंबरपासून सुरुवात होईल. नामनिर्देशपत्र दाखल करण्याची अंतिम तारीख १७ नोव्हेंबर असेल. नामनिर्देशनपत्रांची छाननी १८ नोव्हेंबर रोजी होणार आहे. मात्र अकोला जिल्ह्यातील एकमेव पातूर नगर पालिकेची निवडणूक प्रलंबित ठेवण्यात आली आहे.

जिल्ह्यातील इतर नगर पालिका व नगर पंचायतीच्या निवडणुका होणार असून राज्यातील 246 नगर पालिका आणि 242 नगरपंचायतींच्या सदस्यपदासाठी आणि थेट नगराध्यक्षपदासाठी सार्वत्रिक निवडणूक होणार आहे. अकोला जिल्ह्यातील पातूर नगर पालिकेच्या निवडणूक प्रक्रियेला न्यायालयीन प्रकरणामुळे विलंब झाला असल्याची माहिती मिळत आहे.