Nagpur Breaking : नागपूर भाजपचे उमेदवार भूषण शिंगणे यांच्यावर जीवघेणा हल्ला
थोडक्यात बातमी वाचण्यासाठी खाली स्क्रोल करा...
(Nagpur Breaking ) राज्यातील 29 महानगरपालिकांच्या निवडणुकांसाठी आज मतदान प्रक्रिया पार पडत आहे. मुंबई, ठाणे, नवी मुंबई, पुणे, पिंपरी–चिंचवड, सोलापूर, कोल्हापूर, इचलकरंजी, सांगली–मिरज–कुपवाड, नाशिक, मालेगाव, अहिल्यानगर, जळगाव, धुळे, छत्रपती संभाजीनगर, नांदेड–वाघाळा, परभणी, जालना, लातूर, अमरावती, अकोला, नागपूर, चंद्रपूर, उल्हासनगर, कल्याण–डोंबिवली, भिवंडी–निजामपूर, मीरा–भाईंदर, वसई–विरार, पनवेल या 29 महानगरपालिकांमध्ये मतदान आज होणार आहे. सकाळी साडेसात वाजल्यापासून मतदानाला सुरुवात होणार असून असून संध्याकाळी 5.30 वाजेपर्यंत मतदारांना मतदानाचा हक्क बजावता येणार आहे.
उद्या 16 तारखेला मतमोजणी पार पडणार आहे. या निवडणुकीकडे संपूर्ण राज्याचे लक्ष लागले आहे. या पार्श्वभूमीवर अनेक ठिकाणी वेगवेगळ्या घटना घडताना पाहायला मिळत आहे. यातच नागपूरमध्ये भाजपचे उमेदवार भूषण शिंगणे यांच्यावर जीवघेणा हल्ला झाल्याची घटना घडली आहे.
रात्री 12 वाजता दरम्यान गोरेवाडा परिसरात कार्यकर्त्याला भेटण्यासाठी गेले असता त्यांच्यावर हल्ला करण्यात आल्याची माहिती मिळत असून प्रतिस्पर्धी उमेदवाराकडून हा हल्ला करण्यात आल्याचा आरोप करण्यात येत आहे. भूषण शिंगणे नागपूर भाजपचे प्रभाग 11 चे उमेदवार असून नागपूरातील मेयो रुग्णालयात भूषण शिंगणे यांच्यावर उपचार सुरू आहेत. या प्रकरणी पोलिसांत तक्रार दाखल करण्यात आली आहे.
Summary
राज्यातील 29 महानगरपालिकांच्या निवडणुकांसाठी आज मतदान
नागपूर भाजपचे उमेदवार भुषण शिंगणे यांच्यावर जीवघेणा हल्ला
प्रतिस्पर्धी उमेदवाराकडून हल्ला केल्याचा आरोप
