Satara Female Doctor case : फलटणमधील महिला डॉक्टर प्रकरण; 2 संशयित आरोपींना पुन्हा 3 दिवसांची पोलीस कोठडी

थोडक्यात बातमी वाचण्यासाठी खाली स्क्रोल करा...

(Satara Doctor case) सातारा जिल्ह्यातील फलटण उपजिल्हा रुग्णालयात कार्यरत असलेल्या महिला डॉक्टरच्या आत्महत्येच्या प्रकरणाने राज्यभरात खळबळ उडवली आहे. या घटनेत धक्कादायक बाब समोर आली असून, डॉक्टरने आत्महत्येपूर्वी आपल्या हातावरच मृत्यूस कारणीभूत असलेल्या दोन व्यक्तींची नावे लिहिली.

मृत डॉक्टरने आत्महत्येपूर्वी आपल्या हातावर सुसाईड नोट लिहिली होती, त्यात तिने धक्कादायक आरोप केले आहेत. त्या नोटमध्ये डॉक्टरने लिहिले आहे की, "PSI गोपाल बदने यांनी तिच्यावर पाच महिन्यांपासून वारंवार अत्याचार आणि लैंगिक शोषण केले, तसेच पोलीस अधिकारी प्रशांत बनकर यांनी तिला मानसिक छळ केला". त्या महिला डॉक्टरने या दोघांवर लैंगिक अत्याचार आणि मानसिक छळाचे गंभीर आरोप केले आहेत.

फलटण येथील डॉक्टर महिला आत्महत्या प्रकरणात संशयित आरोपी गोपाल बदने आणि प्रशांत बनकर या दोन्ही आरोपीची SIT ने पुन्हा पोलीस कोठडी घेतली आहे.या दोन्ही आरोपींना कळंबा जेल मधून ताब्यात घेऊन फलटण येथील न्यालयात हजर करण्यात आले त्यानंतर न्यायालयाने या दोघांना तीन दिवसाची पोलीस कोठडी सुनावली आहे. या प्रकरणाचा SIT मार्फत तपास सुरु असल्याने SIT कडून या दोन्ही आरोपींच्या पोलिस कोठडीची मागणी केली होती.

Summery

• सातारा डॉक्टर महिला आत्महत्या प्रकरण

• 2 संशयित आरोपींना पुन्हा 3 दिवसांची पोलीस कोठडी

• SIT ने आरोपींना ताब्यात घेत फलटण न्यायालयात केलं हजर