Sangli : सांगलीत एकाच कुटुंबातील चौघांनी केले विषप्राशन;सासू-सुनेचा मृत्यू, बाप-लेकाची प्रकृती गंभीर

(Sangli)सांगलीत एकाच कुटुंबातील चौघांनी विषप्राशन केल्याची घटना घडली आहे. या घटनेमध्ये सासू सुनेचा मृत्यू झाला असून बाप लेकाची प्रकृती गंभीर असल्याची माहिती मिळत आहे. सांगलीच्या कवठेमहांकाळ तालुक्यातील नांगोळे येथे एकाच कुटुंबातील चौघांनी विषबाधा झाल्याचा प्रकार घडला असून नांगोळे गावांमध्ये ढालगाव रस्त्यालगत या पाटील कुटुंबीयांचं घर आहे.

बाप लेकाची प्रकृती गंभीर असल्याने त्यांना मिरजेच्या शासकीय रुग्णालयात उपचारासाठी दाखल करण्यात आले आहे. या घटनेची माहिती मिळताच कवठेमहांकाळ पोलिसांनी घटनास्थळी धाव घेत तपास सुरु केला आहे.

या घटनेनं सांगलीत खळबळ उडाली आहे. मात्र ही घटना कोणत्या कारणातून झाली,हे अद्याप स्पष्ट होऊ शकलं नाही.याबाबत पोलीस तपास करत आहेत.