Manikrao Kokate : सदनिका गैरव्यवहार प्रकरण; माणिकराव कोकाटेंच्या याचिकेवर आज हायकोर्टात सुनावणी

थोडक्यात बातमी वाचण्यासाठी खाली स्क्रोल करा...

(Manikrao Kokate) माणिकराव कोकाटे पुन्हा एकदा अडचणीत आले आहेत. सदनिका गैरव्यवहार प्रकरणात सत्र न्यायालयाने मोठा निर्णय देत शासकीय कोट्यातील 10 टक्के सदनिका गैरव्यवहार प्रकरणी दोन वर्षाची शिक्षा आणि 10 हजार दंडाची शिक्षा जिल्हा सत्र न्यायालयात कायम ठेवण्यात आली आहे.

या न्यायालयीन निर्णयामुळे कोकाटे यांच्यावर अटकेची टांगती तलवार उभी राहिली आहे. माणिकराव कोकाटेंनी राजीनामा दिला असून आता या खात्याचा पदभार उपमुख्यमंत्री अजित पवार यांच्याकडे असणार आहे. माणिकराव कोकाटे यांचा राजीनामा अजित पवार यांनी स्वीकारला असून राजीनाम्याचे पत्र आता मुख्यमंत्री देवेंद्र फडणवीस यांच्याकडे सोपवण्यात आल्याची माहिती मिळत आहे.

याच पार्श्वभूमीवर आज सदनिका घोटाळा प्रकरणी कोकाटेंच्या याचिकेवर हायकोर्टात सुनावणी पार पडणार आहे. त्यामुळे कोकाटेंवर अटकेची टांगती तलवार कायम असल्याचे पाहायला मिळत असूनअनिकेत निकम आज पुन्हा माणिकराव कोकाटे यांची बाजू कोर्टात मांडणार आहेत. न्यायमूर्ती आर .एन लढ्ढा यांच्या खंडपीठासमोर सुनावणी होणार असून सत्र न्यायालयाने दिलेल्या दोन वर्ष कारावास या शिक्षेला स्थगिती देण्यासाठी याचिकेत मागणी करण्यात आली आहे. लीलावती रुग्णालयात उपचार घेत असलेल्या माणिकराव यांना कोर्टाकडून आज दिलासा मिळणार का? हे पाहणे महत्त्वाचे ठरणार आहे.

Summery

• कोकाटेंच्या याचिकेवर आज हायकोर्टात सुनावणी

• कोकाटेंवर अटकेची टांगती तलवार कायम

• अनिकेत निकम पुन्हा कोकाटेंची बाजू कोर्टात मांडणार