Private Bus Ticket : खासगी बस चालकांनी ज्यादा भाडे आकारल्यास आता करता येणार तक्रार, कसं ते जाणून घ्या

थोडक्यात

• खासगी बसचालकांनी तिकिटामध्ये मोठी वाढ केल्याचे पाहायला मिळत आहे

• खासगी बस चालकांनी ज्यादा भाडे आकारल्यास करा तक्रार

• नागरिकांना ८२७५३३०१०१ क्रमांकावर अथवा rto.12-mh@gov.in या ई-मेलवर तक्रार करता येणार

(Private Bus Ticket) सणासुदीच्या निमित्ताने अनेक जण गावी जातात, फिरायला जातात. मात्र सणासुदीच्या काळात खासगी बसचालकांनी तिकिटामध्ये मोठी वाढ केल्याचे पाहायला मिळते. अनेकजणांना हा तिकिटाचा दर परवडणारा नाही.

या वाढत्या तिकीट दराबाबत आरटीओकडे तक्रारीदेखील येत असल्याची माहिती मिळत आहे. याच पार्श्वभूमीवर आता जादा तिकीट दर आकारले तर बस चालकांवर कारवाई केली जाणार असल्याचा इशारा असा इशारा प्रादेशिक परिवहन विभागाने दिला आहे.

त्यामुळे आता खासगी बस चालकांनी ज्यादा भाडे आकारल्यास आता तक्रार करता येणार असल्याची माहिती मिळत आहे. नागरिकांना ८२७५३३०१०१ क्रमांकावर अथवा rto.12-mh@gov.in या ई-मेलवर तक्रार करता येणार असून नागरिकांनी तक्रार करताना आपले नाव, मोबाईल क्रमांक, तिकिटाचे फोटो अशी माहिती पाठवावी, असे आरटीओकडून सांगण्यात आले आहे.