Ajit Pawar Meet Sharad Pawar : पवार काका-पुतण्यांच्या भेटीनं मविआत अस्वस्थता?

मुंबई : अजित पवार-शरद पवार या काका पुतण्यांच्या भेटीनं महाविकास आघाडीत अस्वस्थता निर्माण झाली आहे. अजित पवार फुटल्यानंतर महिनाभरात शरद पवारांनी अजित पवारांची भेट घेतल्यानं चर्चांना उधाण आलं आहे.

काका-पुतण्यांच्या भेटीगाठींनी उद्धव ठाकरे गट आणि काँग्रेस नेत्यांमध्ये चलबिचल वाढली आहे. अजित पवार फुटल्यानंतर शरद पवार गटाकडून अजित पवारांचा कोणत्याही प्रकारचा निषेध केला नव्हता. शिवाय अजित पवार आणि त्यांच्यासोबत गेलेल्या नेत्यांचा निषेधही झालेला दिसला नाही. अजित पवार सत्ताधाऱ्यांच्या सोबत तर शरद पवार विरोधांसोबत असल्यानं काका-पुतणे दोन्ही दगडांवर पाय ठेऊन आहेत का, असा प्रश्न निर्माण झाला आहे.