Maharashtra Assembly Monsoon Session : विरोधी पक्ष नेत्यासंदर्भात ठाकरेंच्या शिवसेनेकडून विधानसभा अध्यक्षांना स्मरण पत्र देण्यात येणार

(Maharashtra Assembly Monsoon Session) राज्य विधीमंडळाचं पावसाळी अधिवेशन 30 जूनपासून 18 जुलैपर्यंत असणार आहे. विधिमंडळाच्या पावसाळी अधिवेशनात राज्यातील विविध प्रश्नांवरून विरोधक आक्रमक होण्याची शक्यता आहे.

विधिमंडळ अधिवेशनात विरोधक अनेक मुद्द्यांवरून सत्ताधारी पक्षाला घेराव घालण्याच्या तयारीत आहेत. विरोधक दुसऱ्या आठवड्यात पुन्हा शेतकऱ्यांच्या कर्जमाफी आणि नुकसान भरपाईच्या मुद्यावर आक्रमक होण्याची शक्यता आहे.

शेतकऱ्यांच्या प्रश्नावर आजही पायरीवर आंदोलन होण्याची शक्यता आहे. आज विरोधक विरोधी पक्षनेतेपदाबाबत भूमिका मांडणार असून ठाकरेंच्या शिवसेनेकडून अध्यक्ष राहुल नार्वेकरांना आज स्मरण पत्र देण्यात येणार आहे.