Maharashtra Heavy Rain : राज्यात पावसाचा धूमाकूळ, पाहा कोणत्या जिल्ह्याला कोणता अलर्ट?

(Maharashtra Heavy Rain ) राज्यात ठिकठिकाणी पावसानं जोरदार हजेरी लावली आहे. आज राज्यात मुसळधार पाऊस पडण्याची शक्यता वर्तवण्यात येत आहे. राज्यात विजांसह पावसाची शक्यता असल्याने यलो अलर्ट हवामान विभागाने दिला आहे. आजही काही जिल्ह्यांमध्ये मुसळधार ते अतिमुसळधार पाऊस पडण्याची शक्यता आहे.

पुढील 3 ते 4 तासांत मुसळधार पावसाचा अंदाज वर्तवण्यात आला आहे. हवामान विभागाने नागरिकांना सतर्क राहण्याचे आणि आवश्यक ती काळजी घेण्याचे आवाहन केले आहे. राज्यात काही जिल्ह्यांना आज पावसाचा रेड अलर्ट देण्यात आला आहे.

यामध्ये पुणे, रायगड आणि रत्नागिरी जिल्ह्याला आज रेड अलर्ट जारी करण्यात आला असून या जिल्ह्यांमध्ये वादळी वाऱ्यासह मुसळधार पावसाचा इशारा देण्यात आला आहे. तसेच मुंबई, ठाण्यालाही यलो अलर्ट जारी करण्यात आला असून सातारा, कोल्हापूर, सांगलीला ऑरेंज अलर्ट देण्यात आला आहे.