Maharashtra Political Crisis Live | एकनाथ शिंदेंनी मुख्यमंत्री तर फडणवीसांनी उपमुख्यमंत्री पदाची घेतली शपथ

भारतीय जनता पक्षाचे राष्ट्रीय अध्यक्ष जे.पी.नड्डा यांनी माध्यमांशी बोलतांना नवीन माहिती दिली. देवेंद्र फडणवीस यांनी उपमुख्यमंत्री व्हावे, अशी सूचना त्यांना केली आहे. तसेच माध्यमांसमोर त्यांनी आवाहन केले. त्यानंतर देवेंद्र फडणवीस यांनी टि्वट करत पक्षाच्या आदेशाचे पालन करत आपण उपमुख्यमंत्री होत असल्याचे सांगितले. त्यानंतर मुख्यमंत्री म्हणून एकनाथ शिंदे तर उपमुख्यमंत्री म्हणून देवेंद्र फडणवीस यांचा शपथविधी राजभवनात झाला.

पहिल्यादा राज्यात मुख्यमंत्रीपदाचा त्याग भाजपने महाराष्ट्रात करत कमी आमदार असणाऱ्या एकनाथ शिंदे गटाच्या गळ्यात टाकली. विशेष म्हणजे या मंत्रिमंडळात देवेंद्र फडणवीस राहणार नाहीत. तर, एकनाथ शिंदे यांचा आजच शपथविधी होणार आहे.

गाड्याचा ताफा आता वरळी सी लिंक वरून हा ताफा निघाला आहे. त्यांच्या ताफ्यात साधारण ९ गाड्या आहेत. एकनाथ शिंदे दहा दिवसांनी मुंबईत दाखल झाले आहेत. थोड्यात वेळात देवेंद्र फडणवीस आणि एकनाथ शिंदे यांची पत्रकार परिषद होण्याची शक्यता आहे.

शपथविधीचा मुहूर्त ठरला असल्याची खात्रीशीर माहिती मिळाली आहे. उद्या शपथविधी होणार आहे. सहा नवे मंत्री कोण असतील अशी चर्चा आहे. दुपारी तीन वाजता राज्यपालांना भेटणार आहेत.

एकनाथ शिंदे यांच्या सुरक्षेत वाढ करण्यात आली असून शिंदे यांना झेड दर्जाची सुरक्षा देण्यात आली आहे. केंद्र सरकारकडून शिंदे यांना सुरक्षा देण्यात आली. एकनाथ शिंदे यांचे गोव्याहून मुंबईकडे प्रयाण झाले आहे. महाराष्ट्रातला राजकीय विरोध लक्षात घेऊन केंद्रीय गृह मंत्रालयाकडून झेड दर्जाची सुरक्षा देण्यात आली आहे.

मुख्यमंत्री उद्धव ठाकरे यांचं निवासस्थान असलेल्या मातोश्रीवर रात्री शिवसेना आणि काँग्रेस नेत्यांची बैठक पार पडली. जवळपास तासभर ही बैठक चालली. त्यानंतर माध्यमांशी बोलताना नाना पटोले आणि बाळासाहेब थोरात यांनी महाविकास आघाडी सरकार स्थिर असल्याचा दावा केलाय.

मुंबईत गेल्यांतर मी पुढची रणनिती ठरवेन आणि मग बोलेन. दोन रेझोल्यूशन केलेले आहेत. उद्धव ठाकरेंनी राजीनामा दिल्याचा आनंद आम्हाला नाही. शिवसेनेच्या आमदारांच्या मतदार संघातल्या लोकांची त्या आमदारांची भाजपसोबत जाण्याची इच्छा होती. उद्धव साहेबांच्या बद्दल कालही आदर होता, आजही आदर आहे.

सातारा जिल्ह्यातील महाबळेश्वर तालुक्यातील तळदेव येथे कोयना, सोळशी, कांदाटी विभागातील ग्रामस्थांनी एकनाथ शिंदे यांच्या समर्थनार्थ घोषणा देऊन त्यांना पाठिंबा दिला आहे.. जावली येथील दरे हे एकनाथ शिंदे यांचे मूळ गाव असून एकनाथ शिंदे आणि त्यांच्या सोबत असलेल्या आमदारांनी घेतलेला निर्णय हा महाराष्ट्र हिताचा असून या निर्णयामुळे सर्वत्र आनंदाचे वातावरण निर्माण झाले आहे.. एकनाथ शिंदे यांना मुख्यमंत्री झालेले पहायचं आहे अशी भावना येथील ग्रामस्थ व्यक्त करत आहेत..

सातारा- राज्यातील महाविकास आघाडी सरकार शिवसेनेच्या 40 आमदारांच्या बंडानंतर कोसळले.. भाजप सरकार स्थापन करण्यासाठी राज्यातील सर्वच नेते मुंबईच्या दिशेने रवाना झाले आहेत.. यातच मराठ्यांची राजधानी सातारा येथील राज्यसभेचे भाजपच्या खासदार उदयनराजे भोसले देखील साताऱ्यातून मुंबईच्या दिशेने रवाना झाले आहेत.. भाजपचे सरकार येणार असल्याने सातारा जिल्ह्यात भाजपच्या गोटात कमालीचा आनंद व्यक्त होत आहे.. यात भाजपचे समर्थक आणि आमदार शिवेंद्रसिंहराजे भोसले आणि खासदार उदयनराजे भोसले यांचे सर्व कार्यकर्ते मोठ्या संख्येने मुंबईच्या दिशेने रवाना होत आहेत.. उदयनराजेंचा गाड्यांचा ताफा आज मुंबईच्या दिशेने सातारा राष्ट्रीय महामार्ग वरून दिसून आला..

बीड- ठाकरे सरकार सत्तेवरून पाय उतार झाल्याने एसटी कर्मचाऱ्यांनी आनंदोत्सव साजरा केलाय. बीडच्या माजलगाव एसटी डेपोतील कर्मचाऱ्यांनी फटाके आणि पेढे भरवत हा आनंद एसटी डेपोत साजरा केलाय. पाच महिने विलीनीकरणाच्या मागणीसाठी एसटी कर्मचाऱ्यांचं आंदोलन सुरू होतं. या आंदोलनात एसटी कर्मचाऱ्यांचे शासनात विलीनीकरण झालंच नाही. त्यामुळे आजही एसटी कर्मचा-यांची ही मागणी कायम आहे. अखेर ठाकरे सरकार सत्तेतून पायउतार झाल्यानं एसटी कर्मचाऱ्यांचा विजय झाला असं म्हणत कर्मचाऱ्यांनी हा आनंद साजरा केला. दरम्यान यावेळी थोर महापुरुषांच्या नावानं घोषणा देण्यात आल्या आहेत.

उद्धवजी ठाकरे साहेबांनी राजीनामा दिला आहे. असं चित्र निर्माण केलं गेलं, की इथं बंडखोरांनी सेलिब्रेशन केलं. पण आम्ही कोणतही सेलिब्रेशन केलेलं नाही. ठाकरे आमचे नेते होते आणि आहेत, राहतील. त्यांचं मन दुखवावं आणि त्यांचा अपमान व्हावा असा कोणताही आमचा उद्देश नव्हता. आमच्या नेत्यासोबत आम्हाला अप्रत्यक्षपणे लढावं, लागलं, याचं दुःख आमच्या मनात आहे

देवेंद्र फडणवीस 1 जुलै रोजी महाराष्ट्राचे मुख्यमंत्री म्हणून शपथ घेऊ शकतात, मुंबईत आज फडणवीस यांच्या सागर बंगल्यात भाजप कोअर कमिटीची बैठक होणार आहे, यात महाराष्ट्र भाजपचे अनेक ज्येष्ठ नेते सहभागी होणार आहेत, दरम्यान, फडणवीस आणि एकनाथ शिंदे हेच भविष्य ठरवतील, असे भाजपचे महाराष्ट्र अध्यक्ष चंद्रकांत पाटील यांनी म्हटले

पुन्हा एकदा मुंबई, ठाणे, कल्याण डोंबिवली, भाईंदर, वसई, नवी मुंबई, पनवेल, मेट्रो रेल्वेचे काम पुन्हा जलद गतीने सुरू होईल.